Жаңаесіл және Саумалкөл теміржол вокзалдары қайта жөндеуден кейін ашылды
Солтүстік Қазақстан облысында Жаңаесіл және Саумалкөл станцияларындағы теміржол вокзалдарын қайта жаңарту аяқталды. Объектілерді жаңарту Мемлекет басшысы мен Қазақстан Республикасы Үкіметінің вокзалдық инфрақұрылымды жаңғырту жөніндегі тапсырмасын іске асыру шеңберінде орындалды. деп хабарлайды Rail-news.kz.
Қайта құру барысында Вокзал ғимараттары толығымен жаңартылды: құрылыс конструкциялары күшейтіліп, инженерлік желілер мен шатыр жабыны ауыстырылды, қасбеттер жөнделді және үй-жайларды ішкі әрлеу жүргізілді, жолаушылар платформалары жаңғыртылды. Вокзалдар жаңа жиһаздармен және заманауи жабдықтармен жабдықталған.
Кедергісіз ортаны құруға және қауіпсіздікті қамтамасыз етуге ерекше назар аударылған. Мүмкіндігі шектеулі жолаушылар үшін пандустар жабдықталып, көру қабілеті бұзылған адамдар үшін тактильді плиткалар төселген. Сонымен қатар, вокзалдар өрт қауіпсіздігі талаптарына сәйкес қосымша эвакуациялық шығу есіктерімен жабдықталған.
1960 жылы пайдалануға берілген Жаңаесіл станциясының вокзалы тәулігіне орта есеппен 150 жолаушыға қызмет көрсетеді. Қайта құрудан кейін ғимараттың ауданы 429-дан 570 шаршы метрге дейін ұлғайды, бұл жолаушылардың жүріп-тұру жайлылығын арттыруға мүмкіндік берді.
1966 жылы салынған Саумалкөл станциясының вокзалы күн сайын шамамен 55 жолаушыға қызмет көрсетеді. Қайта құру нәтижесінде жалпы ауданы 207 шаршы метр ғимарат жаңартылып, пойыздарды күту мен жолаушыларға қызмет көрсету үшін қазіргі жағдайға сай әрі жайлы жағдайлар жасалды.
Теміржол вокзалдарын жаңғырту жолаушыларға қызмет көрсету сапасын арттыруға, заманауи көлік инфрақұрылымын дамытуға және вокзалда болудың қауіпсіз жағдайларын қамтамасыз етуге бағытталған. Вокзал кешендерін жаңарту жұмыстары еліміздің барлық өңірлерінде жалғасуда.
