Жаңа вокзал. Атыраулық теміржолшы жаңа вокзалдың ашылуына өлең арнады

Атырау магистральды желі, вокзал шаруашылығы бөлімінің жетекші инженері Мұрат Ізмұқанов Аққыстау мен Ганюшкино вокзалдырының ашылуына орай өлең шығарды, деп хабарлайды Rail-news.kz.

ЖАҢА ВОКЗАЛ 

(Аққыстау және Ганюшкино вокзалдырының ашылуына орай)

Уа, халайық, бүгінде той жаңарар, 

Толды алаң, толды адамға лық тағы зал. 

Көптен күткен қуанышты күн бүгін 

Бой көтерді зәулім жаңа қос вокзал. 

Бұл ғимарат тірелетін ат басы, 

Күту залы, анықтама тақтасы. 

Жаңа жоба, жолаушылар перроны

Зәулім сарай, елді мекен қақпасы. 

Бүгін, міне, сын көзбенен сыналды іс, 

Сапа сайлы, өткізбейтін қырау қыс. 

Абыроймен аяқтаған жоспарын

Елім деген ерлеріме мың алғыс. 

Қосатұғын шойын жолым - дара шың, 

Қала менен елді мекен арасын. 

Жаңа вокзал, заманауи ғимарат

Жолаушыға игілікке жарасын! 

Мұрат Ізмұқанов, Атырау магистральды желі, 

вокзал шаруашылығы бөлімінің жетекші инженері

29.06.2026 ж.