Теміржолшылар болашақ жүргізушілерді теміржол өткелдеріндегі қауіпсіздік ережелерін сақтауға шақырды
Қостанай қаласындағы жыл сайын 1 мыңнан астам жүргізушіні даярлайтын «Вираж Авто-2012» автомектебінде теміржолшылар теміржол өткелдеріндегі қауіпсіздік мәселесіне арналған профилактикалық дәріс өткізді, деп хабарлайды Rail-news.kz.
Іс-шара «Заң және тәртіп» тұжырымдамасы мен жол-көлік оқиғаларының алдын алуға бағытталған «ҚТЖ» ҰК» АҚ-ның республикалық «Қауіпсіз өткел» акциясы аясында ұйымдастырылды.
Дәрісті Қостанай магистральдық желі бөлімшесінің директоры Марат Тугамбаев өткізді. Ол тыңдаушыларға теміржол өткелдерінен қауіпсіз өту қағидаларын түсіндіріп, қауіпсіздік талаптарын бұзғаны үшін жауапкершілік туралы еске салды, сондай-ақ Жол қозғалысы қағидаларын сақтамаудың салдарынан орын алған нақты оқиғаларды мысалға келтірді. Кездесу соңында қатысушыларға ақпараттық жадынамалар таратылып, қойылған сұрақтарға жауап берілді.
Қостанай магистральдық желі бөлімшесінде мұндай профилактикалық жұмыстар тұрақты түрде жүргізіліп келеді. 2026 жылдың басынан бері полиция қызметкерлерімен бірлесіп 105 профилактикалық рейд ұйымдастырылып, олардың барысында 2 370 жүргізушіге түсіндіру жұмыстары жүргізілді. Бұдан бөлек, автокөлік кәсіпорындарында қауіпсіздік мәселелеріне арналған 10 кездесу өткізілді.
«Қазақстан темір жолы» ҰК» АҚ теміржол өткелдерінен өту қағидаларын қатаң сақтау – жол-көлік оқиғаларының алдын алып, қауіпсіздікті қамтамасыз етудің басты кепілі екенін еске салады.