Табысты желтоқсан

Аймақтар

19.01.2018, 18:44

Оқуға 2 мин

Ақтөбе жүк тасымалы бөлімшесі өткен жылды көңіл көншітерлік көрсеткіштермен қорытындылады. Жүк айналымы өткен жылдың желтоқсан айында 2 миллиард ткм неттоға жуықтап, жоспар 122,2%-ға орындалды. Ал, жалпы бір жылда 19,5 миллиард ткм нетто-ға немесе 107,6%-ға орындалып отыр. Жүк тасымалы бөлімшесінің техникалық бөлімінен алынған мәліметке сүйенсек,, тек желтоқсан айында тәулігіне 706 вагон жүк тиелген, пайызға шаққанда 31,3%-ға артық. Бөлімше арқылы негізінен құрылыс материалдары, темір рудасы, түрлі-түсті руда тиеледі. «КТТ» АҚ меншігіндегі вагондарға 598,9 мың тонна жүк тиелген, оның жалпы тиелген жүктегі үлесі 37,3% құрайды. Сонымен бірге, 145 жабық, 68 платформа, 8 442 жартылай вагон, 2 цистерна, 160 өзге вагон, соның ішінде 97 астық тасымалдайтын вагон қамтылған. Жалпы, «КТТ» АҚ вагонының босамау көрсеткіші 2016 жылға қарағанда 8,9%-ға төмендеген. Техника бөлімі мамандарының есебінше, тек желтоқсан айында Қазақстанның ішіндегі кәсіпорындар мен ұйымдарға барлық жүк көлемінің 86,5%-ы жөнелтілген болса, қалған 13,5% алыс та жақын елдерге жіберілген. Жалпы, 2017 жылы жүктің 85,5% ел аумағында тасымалданса, 14,5% шетелдерге шығарылған. Жүк тиеу жоспарын орындау үшін өткен жылдың соңғы айында шетелдерге қарасты 4 318 вагон пайдаланылған. Жалпы, былтыр құрылыс жүктері, қара металл сынықтары, өнеркәсіптік шикізат, нан өнімдері көлемінің артуына орай жүк тасымалы көрсеткіштері едәуір жақсарды. Мұнай құю орындарының өнімдері, түрлі-түсті руда, өртке шыдамды кірпіш, қара металл, металл сынықтары, химикаттар, шикізат және т.б. жүк тасымалданады. Есеп бойынша 2017 жылдың желтоқсан айында тиелген жүк вагонының орташа салмағы 63,89 тонна болған. Жоспар 101,2%-ға орындалған. Ал, вагондардан жүк түсіруге келер болсақ, желтоқсан айында тәулігіне 254 вагон түсіріліп, жоспар 115,5%-ға орындалыпты. Вагондар тәулігіне орта есеппен қанша шақырым жүріп өтетіні де есептелген. Ақтөбе жүк тасымалы бөлімшесі бойынша, бір вагон шамамен 337 шақырым жүріп өтетін болған. Ал, локомотив шаруашылығына келер болсақ, желтоқсан айында орташа алғанда 50 локомотив жолға шығып отырған. Жалпы, өткен жылдың басында бұл көрсеткіш шамамен 46 бірлік болған екен. Тепловоздар сағатына орта есеппен 48 шақырым жол жүріп отырған. Бұл – өте жақсы көрсеткіш.

Табысты желтоқсан

Басқа да жаңалықтар

Қазір оқылуда

Қазақстан теміржолшысы газеті, №78 02 қазан 2026 жыл