Шымкентте тежегіш табандығына қатысты онкүндік өтіп жатыр
Шымкент станциясында өткен «Назар аударыңыз, тежегіш табандығы!» атты онкүндік осы вагондар қозғалысы кезінде олар бір-біріне соқтығысып, қайғылы жағдай орын алуы мүмкін жайттардың алдын алу жолдарын пысықтап, башмак қойып, оны қадағалап тұруды дағдыға айналдыру қажеттігіне ден қойды.
Вагондарды тарқату кезінде қозғалыс қауіпсіздігін қамтамасыз ету өте маңызды. Тәулігіне 25 пойыз қабылдап әрі жөнелтетін станцияда теміржолшылардың тарапынан қателіктер кетпесі үшін тежегіш қоюдың тәртібі темірдей сақталуы тиіс. Осыған орай, станция басшысы Бердіхан Абдуллаевтың бұйрығымен онкүндік өтетіні туралы іс-шара әзірленіп, барлық бекеттерге хабарландырулар ілінді. Станцияға қатысты жұмысшылардың бәрі нұсқаулықпен танысып шығып, тежегіш табандықтары алынбай қалған жағдайда, пойыз қозғалысының қауіпсіздігін бұзатын ақауларды және станция жолдарындағы бекіту нормаларының жеткіліксіздігі қалай болатыны көрсетілді. Шараға станцияның 75 қызметкері түгел қатысты.
Техникалық оқу-жаттығуға қатысушыларға қосымша нұсқаулықта көрсетілген есепке тіркеу тәртібі туралы, сақтау, маркировка, тежегіш қоюдың өз тәртібі бар, сондықтан башмактарын қалай пайдалануды, вагондарды бекіту үшін құрылғы, 11 ИДП, 82 қосымшаның 3.10, 3.11, 3.12 тармақтарын қайтадан оқып шығып, пысықтауы қадағаланды.
Онкүндік барысында ДУ-67 журналын сапалы жүргізбеген станция кезекшілеріне ескерту берілді. Сондай-ақ, станция паркі мен стеллаждағы башмактардың қолды болмауы үшін қозғалыс қауіпсіздігінің ревизорымен бірлесіп хаттама толтырылып, бөлімшеге жолданды. Онда тежегіш башмактарының ұрланбауы үшін Әскерилендірілген темір жол күзетінің мүмкіндігін қарастыруды өтінді.
Жансая СЫДЫҚБАЙ, Шымкент
Суретті түсірген автор