Еңбектеріне табыс тіледі

Атырау жүк тасымалы бөлімшесінде Тәуелсіздік күніне орай өткен жиынға өлкеде еңбек етіп жатқан барлық құрылымдық бөлімшелердің өкілдері қатысты. Бөлімше басшысы Мағауия Оразқұлов теміржолшыларды ұлық мерекемен құттықтап, еңбектеріне табыс тіледі.

Бас теміржолшы еліміздің, соның ішінде өңір теміржолының тәуелсіздік жылдарындағы жеткен жетістіктеріне тоқталды. Осы жетістіктерге мол үлес қосқан мінсіз адал қызметімен танылған бір топ теміржолшыны марапаттады. «Адал еңбегі үшін» кеуде белгісімен Атырау жол дистанциясының бастығы Аманқос Жылқыбаев, Құлсары станциясының жүк қабылдап-тапсырушысы Айман Жұмағали, Мақат станциясының вагон жөндеу-қараушысы Нұрлыбек Оңайбаев, Құлсары жол дистанциясының еңбек қорғау және қауіпсіздік техникасы жөніндегі жетекші инженер Гүльфия Асфандиярова, «ҚТЖ» ҰК» АҚ Басқарма төрағасының Құрмет грамотасымен Мақат станциясының пойыз құрастырушысы Жарылғасын Бижанов, Ганюшкино станциясының вагон жөндеу-қараушысы Алихан Малаев, Мақат локомотив пайдалану депосының тепловоз машинисі Бейбіт Қалиев, Құлсары белгі беру және байланыс дистанциясының байланыс аймағының бастығы Мұрат Садиров, Атырау жол дистанциясының аймақ бастығы Садақбек Оразқұлов және тағы 8 адам Алғыс хатпен, 2 маман «ҚТЖ-ЖТ» Құрмет грамотасымен, сонымен қатар еселі еңбегімен көзге түскен тағы 18 теміржолшы – пойыз құрастырушы, машинист, электромеханик, вагон жөндеуші, жол шебері, т.б. Атырау жүк тасымалы бөлімшесі директорының Алғыс хатымен марапатталды.