Атырауда биылғы жартыжылдықтағы жүк айналымы 105% орындалды

Аймақтар
27.07.2021, 12:13
Қосұйым Мұқашев

Атырау облысы бойынша меншікті тілші

Атырау жүк тасымалы бөлімшесі бойынша биылғы жылдың жарты жылында жүк айналымы жоғары болды. Алты айда жоспардағы 4828 млн.тн.км-нетто 5069,5 млн.тн.км-нет- тоны құрап, жоспар 105 пайызға орындалды, деп хабарлайды Rail-newskz. Сондай-ақ СД жоспарына сай жүк тиеу 100%, вагонның орташа статистикалық салмағы – 101,1, тиелген вагонның динамикалық салмағы – 102,3, жүк вагондарының тиелген вагондарға шаққандағы жүрісі – 106,5, пойыздың орташа салмағы – 101,4, локомотив жүрісі 102,9 пайызға орындалды. Техникалық жоспар бойынша пайдаланым жұмыстарының негізгі 5 көрсеткіші орындалды, яғни пайдаланым жүк айналымы – 102,9%, жүк тиеу – 100,2, вагонның статистикалық жүктемесі – 101,3, тиелген вагонның динамикалық жүктемесі – 101,4, жүк вагондарының тиелген вагондарға шаққандағы жүрісі 102,8 пайызға орындалды. Жоспар бойынша кейбір көрсеткіштердің межеден төмен болуының өз себептері бар. Алдымен оған орташа жүк тиеудің және тиелген жүк вагондарының кемуі, транзиттік тасымалдың азаюы себеп. Әлемді шарпыған індеттің де әсері бары анық. Әсіресе еларалық экономикалық қарым-қатынасқа ықпалын тигізді. Соның да әсерінен, экономиканың негізгі бөлігін құрайтын өңірдегі мұнай өнімдерін өндіру, оны тасымалдау көлемі, құрылыс материалдары мен халық тұтынатын басқа да тауарлар тасымалы қалыпты деңгейді тұрақтай алмағанын айта кеткен жөн. Соның ішінде ресурсұстаушылардан қара мұнай өнімдеріне деген тапсырыс бұрынғыға қарағанда төмен болғанын көреміз. Оған пандемиямен қатар нарықтағы ауқымды дағдарыс, мұнай бағасының тұрақсыздығы, өнімнің болмауы және сатып алушылардың төлемқабілетсіздігі де себеп. Тәжікстан, Донецк бағытына жөнелтілетін мұнай өнімдері келісілмеген. Қытайға жөнелтілетін кокс, пропан жүктерін түсіруге конвенциялық тыйым қойылғаны, Қытай аумағында тастанды пойыздардың жиналып қалуы және Ортаазиялық темір жол арқылы өтетін кейбір жүктердің шектелуі де жалпы жүк тиеу көлеміне әсер етпей қоймады. Атырау жүк тасымалы бөлімшесі өндірістік-техникалық бөлім мамандарының айтуынша, сонымен қатар өткен мерзімде транзитті тасымал көлемінің кемуі де байқалады. Бөлімшемен бұрынғыға қарағанда тәулігіне екі пойызға – Қиғаш түйіспесінен 1 пойыз, Құлсарыдан тәулігіне 1 пойыз кем қабылдануда. Жарты жылда жұмыс вагондарының айналымы 77,9%-ды құрады, оның себебі вагон тиеуді игермеу, тиелген вагондарды қабылдаудың кемуі, автобұғаттаудың тоқтауы және жылдамдықты шектеуге ескерту берілуі де вагон айналымына әсер етті. Жергілікті вагондар жоспарының орындалуы 86,5% құраған. Ол «ТШО» ЖШС, «Карат», «АтырауИнжСтрой», «Уральская нефтехимическая компания», «Алан», «Петрохимикал» сынды компаниялардың атына келген жүкті Құлсары, Мақат, Махамбет, Ақжайық, Атырау, Аққыстау станцияларында уақытында түсіре алмағандықтан кеміді. Оған алдымен жүк қабылдаушылардың өздері кінәлі, яғни кірме жолдардың алыстығы, локомотивтерді күту, түсіру орнының бос болмауы, жүктің қатып қалуы, жұмыс күшінің болмауы, т.б. себептер көп. Пойыздар қозғалысының техникалық жылдамдығы 91,7%- ға орындалып, 4,21 км/сағатқа кеміді. Учаскелік және техникалық жылдамдығының кемуіне Атырау- Қиғаш, Мақат-Сағыз, Мақат-Атырау, Мақат-Құлсары учаскелерінде тәулігіне шамамен 50 жағдайға жылдамдықты шектеуге ескерту берілуі әсер еткен. Атырау мұнай өңдеу зауытының 10 қаңтар мен 5 ақпан аралығында бірқатар технологиялық қондырғыларының жөндеуге тұруы, осы мерзімде АО «KEGOC» желісінде электрожабдықтау бойынша бүкіл облыста дерлік қайта-қайта жарықтың сөнуі кейбір көрсеткіштер көлемін азайтып жіберді. Қатты желдің екпіні де жылдамдықты шектеуге мәжүрлейді. Қаңтар айында 34 (8 жолаушы, 26 жүк) пойызы кестеден кешігіп келген. Соған орай ақпан айында Мақат-Атырау, Атырау-Қиғаш, Мақат-Құлсары учаскелерінде 43 технологиялық «толаскез» беріліп, электр желілері, ВЛ-СЦБ құралдарын жөндеу үшін автобұғаттау орын алған. Сондай-ақ ДУОМАТ, УНИМАТ, Жейсмар жол машиналарымен жол жұмыстарын жүргізу үшін де сәуір айында 39 технологиялық толаскез алынған. Сонымен қатар кей учаскелерде пойыздар қозғалысы автобұғаттауды тоқтатып тастау арқылы жүзеге асырылған, ал ол жылдамдықтың кемуіне әсер етеді. Дегенмен, 7 негізгі көрсеткіш жүз пайыздан асса, қалғандарының орындалуы 80-90 пайыз шамасын құраған.

Инфрақұрылым
18.07.2025
Сырдария арқылы өтетін жарты шақырымдық теміржол көпірі салынады
Инфрақұрылым
18.07.2025
Елімізде темір жолды жөндеу науқанының жартысы аяқталды
Жүк тасымалы
18.07.2025
Әлеуметтік жүк тасымалы ұлғаюда
Станция тынысы
18.07.2025
Әйтеке би станциясы жартыжылдықты табысты аяқтады
ҚТЖ келбеті
18.07.2025
Қауіпсіздік мәдениетін қалыптастырған инженер
Аймақтар
18.07.2025
Маңғыстау теміржолшыларына біржолғы сыйақы берілді
Қауіпсіздік
18.07.2025
Дала өртімен күрес: Семей теміржолшылары қауіпсіздік шараларын күшейтті
Жаңалықтар / Мұрағат
18.07.2025
Қазақстан теміржолшысы газеті, №54 18 шілде 2025 жыл
Жүк тасымалы
17.07.2025
Ақтау мен Құрық порттарында жүк айналымы өсті
Спорт
17.07.2025
Астанада өткен сайыста теміржолшылар жеңімпаз атанды
Жаңалықтар
17.07.2025
"Тобыл" логистикалық хабының құрылысы бастау алды
Жаңалықтар
17.07.2025
Елімізде теміржол машиналарын жасау 7,1%-ға артты
Жүк тасымалы
17.07.2025
Атырауда мұнай өнімдерінің тасымалы өсті
Инфрақұрылым
17.07.2025
Мойынты – Қызылжар теміржол желісінің құрылысына 10 мердігер ұйым қатысуда
Жаңалықтар
17.07.2025
ҚТЖ локомотив бригадаларының 16 демалыс үйіне күрделі жөндеу жүргізуде
Жаңалықтар / Жолаушылар тасымалы
16.07.2025
Комиссия туристік пойыздардағы заң бұзушылықтарды анықтады
Аймақтар
16.07.2025
Қандыағашта теміржол вокзалы жөнделіп жатыр
Әлемде
16.07.2025
Қытай жүрдек пойыздар желісінің жылдамдығы мен ұзындығын арттыруда
Жүк тасымалы
16.07.2025
Қазақстан бидайы Қытай арқылы Вьетнамға темір жол көлігімен жөнелтілді
Жүк тасымалы
15.07.2025
Қытайдан Әзербайжанға аттанған алғашқы жүк пойызы Қазақстан арқылы өтеді