Атырауда жүк айналымы алты айда 105 пайызға орындалды

Бәсекелестік белең алған нарық заманында қаржылық түсімдердің басым болуы негізгі қағида болып табылатыны ақиқат. Биыл Атырау жүк тасымалы бөлімшесі бойынша жүк айналымы алты айда жоспардағы 4828-ден асып, 5069,5 млнткмнеттоны құраған, яғни 105 пайызға орындалды. Ал жүк тиеу жүз пайызға жетті. Сондықтан қаржылай түсім көлемі де артты. Негізгі қызметтер бойынша табыс бюджетін орындау 106% деңгейіне жетіп, 25 млрд 175 млн 626 мың теңгені құрады. Сондай-ақ тасымалдан түскен табыс 17 млрд 945 млн 348 мың, локомотив тартудан 5 млрд 928 млн 844 мың, қосалқы-көмек қызметінен 230 млн 292 мың теңге табыс түскен.