Бадам станциясы басшысының пікірінше темір жол дамуында адам факторы басты құндылық

Станция тынысы
11.11.2021, 11:12
Жансая Сыдықбай

Шымкент қаласы бойынша меншікті тілшісі

Станция басшысы болу оңай ма? Яғни, қозғалысы бір тынбай, жүк және жолаушы пойыздары өтіп жататын аймақта қозғалыс қауіпсіздігін мінсіз қамтамасыз етудің жауапкершілігін толық сезінуден бөлек кәсіби жан-жақты сауатты болу, сонымен қатар көпшілікпен тіл табысу – кез келгеннің қолынан келе бермейді. Біздің кейіпкеріміздің бойынан осы қасиеттердің бәрі де табылады. Бадам станциясының бастығы Серік Елмұратов теміржол саласына кездейсоқ келген жан емес. Темір жол бекетінде туып-өскен теміржолшының ұлы. Міне, аттай 46 жыл атакәсіптің ыстығына күйіп, суығына тоңып келеді. 1959 жылы 12 ақпанда Шымкент теміржолының Қалаш станциясында дүниеге келген ол мектепті бітіре салысымен 17 жасында теміржолшының сары жейдесін киген екен. Екі жыл әскерге барып келгесін де жұмысын жалғастыра берген. Өндірістен қол үзбей 1984 жылы Алматы қаласындағы теміржол институтына түсіп, тасымалды басқару саласы бойынша жоғары білім алады. Арыс-2, Қалаш станцияларында кезекші болып тәжірибе жинаған соң Шымкент теміржолы бөлімшесіне пойыз диспетчері болып ауысады. 1990-93 жылдары Арыс-1 станциясында жүк ауданының бастығы, маневр диспетчері, станция кезекшісі сынды еңбек сатыларынан өтеді. 1993 жылдың 7 қыркүйегінен бастап Бадам станциясын басқарып келеді.

– Қауіпсіздікті сенімді, жауапкершілікті түсінетін мамандар ғана қамтамасыз етеді. Ол үшін кадрларды таңдай білу және өз орнына қоя білу керек. Бұл тұрғыда мен кезінде Әуезхан Салықбаев, Нышан Желдібаев, Қамбар Қорыспаев секілді теміржолшылардың мектебін көріп, тәлімін алғанымды бағым деп санаймын. Бүгінгі таңда теміржол саласының дамуы – өзекті мәселе болып тұр. Жаппай цифрландыру, жаңа технология дендеп енгізіліп жатыр. Әйтсе де, адам факторы қайда да болсын өз маңызын жоймақ емес, – деген тәжірибелі маман жастарды теміржолшы мамандығын оқып, игеруге шақырды.

Ол үшін сала басшылары теміржолшылардың жалақы, баспана, басқа да әлеуметтік мәселелерін шешуге тұрақты көңіл бөліп отыруы қажет деп санайды. Сонда ғана жас мамандардың бұл салаға көптеп бет бұратынын алға тартты. Бадамның станция басшысының шәкірттері де осал емес екен. Түркістан станциясының бастығы Қ.Сырлыбеков, Қалаш станциясының бастығы Д.Исахов, Н.Абдиров, т.б. теміржолшылар өздерін Серік Елмұратовтың шәкіртіміз деп санайды. Ал қатар жүріп, кәсібінің нәсібін бірге тауып, бірге өсіп жетілген қатарластары қатарында Назарбек Байназаров, Қонысбай Арыспаев, Кемпірәлі Мырзалиев, Арысбек Тастанбеков, Асан Даутов, Әкім Бажақов, Сейделхан Махамбетәлиев, Батыр Өсжігітов сынды әріптестерін атады. «Олар – нағыз теміржолшы мынау деп ұялмай көрсететін майталмандар ғой» деді ерекше мақтанышпен.

Жаңалықтар
22.08.2025
ҚТЖ бүкіл ел бойынша вокзалдарды ауқымды жаңғыртуды жүргізуде
Инфографика
22.08.2025
Биыл «Достық – Мойынты» учаскесінің екінші жолдарының құрылысы аяқталады
Инфографика
22.08.2025
ТХКБ бойынша жүк тасымалы соңғы бес жылда 6 есеге өсті
Инфрақұрылым
22.08.2025
Теміржол әлеуеті сөз болды
Цифрландыру
22.08.2025
Цифрландырудың бес бағыты
Қауіпсіздік
22.08.2025
Кәсіби қырағылық: вагон қараушы пойыз қозғалысын қауіптен қорғады
Әлеумет
22.08.2025
Маңғыстаулық теміржолшылар отбасы Астанадағы байқаудан жүлдемен оралды
Аймақтар
22.08.2025
Семей теміржол вокзалы жаңғыртылуда
Жаңалықтар
22.08.2025
Жүйелі жұмыстар жалғасуда
Жаңалықтар / Мұрағат
22.08.2025
Қазақстан теміржолшысы газеті, №68 22 тамыз 2025 жыл
Әлемде
21.08.2025
Alstom жаңа сутекті пойызын сертификаттауға шығарды
Жүк тасымалы
21.08.2025
"Шұбаркөл Премиум" көмірін тасымалдау бойынша рекорд орнатылды
Аймақтар
21.08.2025
800 метрге дейінгі түйіспесіз рельс плеттерін дайындайтын кәсіпорын
Инфрақұрылым
21.08.2025
Құлсары жолы жаңарып жатыр
Жаңалықтар
20.08.2025
ҚТЖ Қытай инвесторларымен Каспий логистикасын кеңейту мәселесін талқылады
Жүк тасымалы
20.08.2025
ҚТЖ мен ірі жүк жөнелтушілер жыл соңына дейін тасымалдау жоспарларын талқылады
Жүк тасымалы
20.08.2025
Орта дәліз: Чэнду қаласынан шыққан контейнерлер 15 күнде Карсқа жетті
Трансформация
20.08.2025
Елде теміржол техникасын өндіру көлемі еселеп артты
Цифрландыру
20.08.2025
Цифрлық технологиялар тасымал тиімділігін 45%-ға арттырады – Жаслан Мәдиев
Инфрақұрылым
19.08.2025
Үкіметте теміржол саласын жаңғырту мәселелері қаралды