Станция тынысы
![](https://rail-news.kz/uploads/2024/08/19/AkcerVeI4IhPGIrGcEGcdzFS3aDEsKgmCPX7A4M7.jpg)
![](https://rail-news.kz/img/noimg.png)
Қызылорда облысы бойынша меншікті тілші
Қызылорда станциясының теміржолшылары жыл басынан бергі жеті айда өндірістік жұмыс көрсеткіштерінің жоспарын 105,7-183,4 пайыз аралығында орындады.
Шілде айындағы нәтиже ең жоғары – 106,7-197,5 пайыз аралығында орындалды. Жеті айға бекітілген 1948 вагонға жүк тиеу межесін 3221 вагонға жеткізіп, жоспарды 165,4 пайызға, тиелген жүктердің салмағын 214 442 тоннаға жеткізіп, меже 183,4 пайызды құрады. Шілде айында 267 вагонға жүк тиеу жоспары 495 вагон немесе 33 344 тоннаға жетіп, жоспарды 197,5 пайызға жеткізді.
![](https://rail-news.kz/uploads/attachments/20220608-105427-66c2ed10207a3.jpg)
– Бұл көрсеткішке біз теміржол көлігінің қызметін пайдаланушылармен қоян-қолтық жұмыс нәтижесінде қол жеткізіп отырмыз. Жүк жөнелтушілер сұранысын тиісті деңгейде ұйымдастырып, қанағаттандыра білу – біз үшін ең бірінші міндет, – деді Қызылорда станциясының бастығы Қайрат Төрединов.
Станция теміржолшыларының бәрі де өздеріне бекітілген жұмыс жоспарын бес саусақтарындай білетін кәсіби мамандар десек болады. Олардың қатарында станция кезекшісі Қайрат Сарманов пен парк кезекшілері Алтынбек Серікұлы бастаған пойыз құрастырушылар, маневр диспетчері Ғалым Әбіш пен тасымал құжаттарын өңдеу операторы Ерлан Жақыпов соңғы айдың үздіктері атаныпты.