Қызылсай теміржолшыларының қарбалас қызметі

Станция тынысы
20.05.2025, 08:31
Суреттерді түсірген автор
Нұрлыбек Досыбай

Түркістан облысы бойынша меншікті тілші

Қырықтан аса адам еңбек ететін 1-класты Қызылсай станциясынан күн сайын 70 вагон жүк тиеліп, 150-170 вагон жүк станция маңындағы тұйық жолдарда босатылады. Ал сол вагондардың қысқа қашықтықта жүріп-тұруы мен жалпы қозғалысын қамтамасыз етуде қызылсайлық теміржолшылардың еңбегі зор.

Негізінен станция аумағынан жөнетілген жүкке қарағанда осы маңға жеткізіліп жатқан жүк көлемі жоғары. Ал оның басым бөлігі – шикізаттық тауарлар. Яғни жергілікті кәсіпорын, мекемелерде өңделіп, түрленіп, дайын өнімге айналып, экспортталады немесе еліміздің түкпір-түкпіріне қарай кері ағылып жатыр деген сөз. Айталық, «Стандарт цемент» ЖШС, «Юнекс», «Тассай» сынды отандық тауар өндірушілердің әрбірі күніне 15-20 вагонға жүк тиеп, жолға салып жатады. Ал олардың өнімі көп жағдайда Өзбекстан мен Ресейге экспортталатын көрінеді. Тіпті солтүстіктегі көршіміз Шымкенттен шығатын кәдімгі қара суды вагонмен тасып ішіп отыр екен.  

Бүгінде Қызылсай станциясы қызмет көрсететін аумақта 44 кіреберіс жол бар. Қыста жағатын көмір тасу кезеңінде осы жолдар Шымкентті былай қойып, Түркістан облысының алыс-жақын аудандарындағы әлеуметтік нысандарға қажетті көмір көлемінің жеткізілуіне атсалысады. Себебі олардың бәрі жекенің қолында болғанымен бір кіреберіс жолдың өзі бір мезетте 5-тен 15-ке дейінгі аралықта вагон қабылдай алатын әлеуетке ие. Осылайша олардың бәрін жинақтағанда тәулігіне 120 вагонды қабылдап, босатып бере алады. Сол сияқты қызылсайлықтардың өңірді көгілдір отынмен қамтамасыз етуде де қосып жатқан үлесі ұшан-теңіз. Айталық, газ құйып алу эстакадасымен жарақтандырылған 3 кіреберіс жолдың маңында жүздеген мың тонна газ сақтайтын қоймасы да қалыпты қызметті үйлестіруде. Мұның сыртында Шымкенттегі даңқты сыра зауыты мен ірі сауда үйлерінің тауарларын жеткізіп беріп, босаған вагонды тұйық жолдан алып кету сынды міндеттемелер – осы станцияның негізгі қызметі. Баянды Мамырқұлұлы басқарған ұжым осындай шаруалардың шашауын шығармай, тастай қып ширатып-ақ келеді. Бүгінгі таңда ұжымда 10 пойыз құрастырушы мен 13 жүк қабылдап-тапсырушы, 5 станция кезекшісі және 5 станция кезекшісінің операторы сынды маман иелері мекеменің тыныс-тіршілігін ұршықша иіреді. Яғни олардың бәрі де сайдың тасындай іріктелген «сен тұр, мен атайын» деген өз саласының кіл мықтылары. Осындай қарқынмен еңбек ететін ширақ қимылды қызылсайлық теміржолшылар айына 1 527 вагонға жүк тиеп жөнелткен. Сол сияқты 4 234 вагон тұйық жолға кіргізіліп, босатылған. Бұл – ай сайын жүргізілген есеп-қисаптың орташа есептік көрсеткіші. Ал жылдық вагонайналымға назар аударар болсақ, көрсеткіш 68 201 вагонды құрайды.  

– Біздің қызмет көрсету бағытымыз – негізінен жүктерді тиеп-түсіру. Жолаушыларға қызмет көрсетпейміз, сол себепті бізде вокзал ғимараты қарастырылмаған. Бұл – Қызылсайдың қызмет көрсету бағытындағы айрықша атап өтетін ерекшелік, – дейді станция бастығы.  

Солай десек те, станция паркі елді мекен мен тұрғындардың үй-жайы орналасқан аймақта қалып қойған. Оған қоса, өндірістік кәсіпорын орындары мен олардың қоршау, қора-жайлары да аз емес. Сол себептен қауіпсіздік мәселесі күн тәртібінен түскен емес. Бұл бағытта тиісті органдардың жауапты мамандарымен кеңесіп, келісе отырып, тұрғындар арасында кеңінен түсіндіру жұмыстары жүргізіліп келеді. Мақсат – қауіпсіздікті қамтамасыз ету.  

 

Жаңалықтар
31.08.2025
ҚТЖ мен Қытай компаниясы «Бақты – Аягөз» теміржолын талқылады
Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек