CRRC корпорациясы Индонезияға арнап шығарған пойызын таныстырды
Қытайдың Циндао қаласында орналасқан CRRC корпорациясы Индонезияға арнап шығарған жоғары жылдамдықты пойызды таныстырды, деп хабарлайды Rail-news.kz.
Аталған пойыз 142 шақырым болатын Жакарта – Бандунг арасында қатынайтын болады. Индонезия үшін бұл Қытай стандартымен салынған алғашқы шетелдік өнім. Ал, Қытай сағатына 350 км жылдамдықпен жүруге есептелген пойыздарын алғаш рет экспортқа шығарып отыр.
Индонезияға сынақтан өткен жоғары жылдамдықты 11 пойызды 2023 жылдың соңына дейін жеткізу көзделген. Бұл пойыз іске қосылысымен, екі шаһар арасындағы жолаушы тасымалдау уақыты 40 минутқа дейін қысқармақ.
Соңғы үлгімен салынған пойыз ақылды жүйемен қамтылған, яғни жер дүмпүін ерте анықтап, жер сілкінісі жайлы ескертіп отырады. Оған қоса түтінді анықтап, өрт жайлы белгі беретін қондырғылары бар.