Әлемдегі ең әдемі 10 пойыз
Бұл сәнді пойыздармен саяхатқа аттану мүмкіндігі екінің біріне бұйыра бермейді. Әдеттегі пойызбен салыстырғанда олардың билеті өте қымбат тұрады, дегенмен оның өзіндік мәні бар. Өйткені бұл пойыздармен сапарға аттанғанда сізде мұндай есте қаларлық саяхат келесі жолы болмайтынын түсінесіз. Себебі бұл пойыздардың кейбірі жылына бір рет қана сапарлайды, ал саяхаттауды жақсы көретіндерге тек бір орынды иелену үшін көптеген ай күтуіне тура келеді. Назарларыңызға әлемдегі ең әдемі 10 пойызды ұсынамыз.
1. «Шығыс экспресс»
Билет бағасы: 1 160 доллардан басталады.
Бұл Шығыс пен Батысты байланыстыратын алғашқы теміржол желісі болды. Агата Кристидің «Шығыс экспрессіндегі кісі өлтіру» романының арқасында ең танымал пойызға айналды десек болады.
2. Eastern & Oriental Express пойызы
Билет бағасы: 2 217 доллардан басталады.
Сингапур – Малайзия – Банкок бағыты бойынша жүретін бұл пойыз бес жұлдызды қонақ үй сияқты. Billionnews басылымының жазуынша, онымен сапарға шыққан адам өзін қонақ үй ішінде жүргендей сезінеді.
3. The Golden Chariot пойызы
Билет бағасы: 5 730 доллардан басталады.
Бұл әлемдегі ең әдемі жолаушылар пойызының бірі саналады. Пойыздың жасалу стилі Ұлыбритания патшайымына тиесілі ескі Blue Express пойызына ұқсайды.
4. Rovos Rail пойызы
Билет бағасы: 1 200 доллардан басталады.
Пойыздың ең соңында үлкен терезелермен жабдықталған әрі панорамалық көрініске жол ашатын вагоны бар.
5. Royal Scotsman пойызы
Билет бағасы: 2 935 доллардан басталады.
Өте ыңғайлы әрі жол жүруге жайлы бұл пойыз бүкіл Шотландияны аралап өтеді. Сондай-ақ ондағы вагондардың бірі спа-орталығына айналған.
6. Maharajas Express пойызы
Билет бағасы: 6 840 доллардан басталады.
Азиядағы ең қымбат әрі сәнді пойыз деп осыны айтса болады. Өйткені бұл Үндістандағы патша сарайының көшірмесі болып табылады.
7. «Императорлық Ресей» пойызы
Билет бағасы: 6 400 еуродан басталады.
Бұл жылына бір рет қана саяхатқа шығатын ең әдемі және танымал пойыз. Императорлық Ресей – патшаның отбасы саяхаттаған құрамның атмосферасын сезіндіретін бірегей пойыз. Пойызда бар, вагон және фортепиано залы бар. Пойыз мына бағыттар бойынша жүріп өтеді: «Мәскеу-Пекин», «Пекин-Мәскеу», «Мәскеу - Ұлан-Батор», «Ұлан-Батор- Мәскеу».
8. Blue Train пойызы
Билет бағасы: 1 740 доллардан басталады.
Пойыз Оңтүстік Африканың оңтүстік жағалауындағы көркем жерлермен жүріп өтеді. Онымен саяхаттаған жолаушылар жол бойында керік, антилоп, бизон сияқты аңдар мен жануарларды тамашалай алады.
9. «Алтын қыран» пойызы
Билет бағасы: 13 995 доллардан басталады.
Бұл әлемдегі ең қымбат жолаушылар пойызы. Вагондардың бірінде фортепиано мен кітапхана орналасқан. Аталған пойыз Мәскеу – Владивосток бағытында қатынайды.
10. Train Suite Shiki-shima пойызы
Билет бағасы: 4 450 доллардан басталады.
Заманауи минималистік дизайнда жасалған жапондық Train Suite Shiki-shima барлық сәнді вагондардың винтажды болуы артық екенін дәлелдеп отыр. Тохоку мен Хоккайдо аймақтарын аралайтын пойызда барлығы 17 төсек орны бар. Ең жақсы орындар екі қабатты жетінші вагонда: көліктің салоны дәстүрлі элементтермен безендірілген және оның басты ерекшеліктерінің бірі - 300 жылдық кипарис ағашынан жасалған ванна.