Австрия жолдарында екі қабатты Railjet пойыздары жүретін болды
Австрияның федералды темір жолдары (ÖBB) Stadler-ден тағы 35 екі қабатты пойыз сатып алатын болды, оның ішінде алты вагонды 14 Railjet қалааралық пойыздары алғаш рет пайдаланылмақ, деп хабарлайды Rail-news.kz.
Тағы 21 төрт вагонды Cityjet пойызы жергілікті қатынаста қолданылады. Бұған дейін ÖBB Siemens-тен Railjet пойыздары үшін бір палубалы жолаушылар вагондары мен электровоздар сатып алған болатын.
Жаңа пойыздардың тапсырыс құны 600 млн еуроға шыққан. Келісім 2022 жылы ÖBB және Stadler арасында қол қойылған, құны шамамен 3 миллиард еуро тұратын 186 екі қабатты пойызды жеткізуге арналған келісімге сәйкес іске асып отыр. 2022 жылдың сәуір айында осы келісім бойынша 41 KISS пойызына алғашқы тапсырыс берілді.
Екі қабатты Railjet пойызының ұзындығы 160 метр және сағатына 200 шақырым жол жүруге есептелген. 2026 жылы Вена — Инсбрук бағытында қатынамақ.