Португалияда Қытайда өндірілген пойыз жолға шықты
Еуропалық Одақта Қытайда жасалған алғашқы метро пойызы сәрсенбі күні Порту қаласында іске қосылды, деп хабарлайды Rail-news.kz.
Португалияның премьер-министрі Антонио Коста іске қосылған жаңа пойызбен жүріп көрді. Ол жергілікті тұрғындар үшін де, туристер үшін де айтарлықтай жеңілдіктер беретін бұл жобаға үкімет ЕО-ның қалпына келтіру қорынан 50 миллион еуроға жуық сомада ауқымды инвестиция салғанын атап өтті.
А.Коста Лиссабон, Порту және Брага сияқты негізгі қалалардың қоғамдық инфрақұрылымын дамытуға қосымша 1 миллиард еуродан астам қаражат бөлуді жоспарлап отырғанын хабарлады.
Португалияның қоршаған орта және климат жөніндегі министрі Дуарте Кордейру жаңа пойыз Порту метросының тиімділігін айтарлықтай арттыра отырып, жайлы және қауіпсіз саяхатқа деген қоғамдық үміттерді қанағаттандыратынын атап өтті.