Лондонда қаламаңына жүретін Arterio электр пойызы іске қосылды
Alstom жасап шыққан алғашқы Arterio электр пойыздарын South Western Railway британиялық жолаушылар операторы іске қосты. Пойыз Лондон-Ватерлоо — Виндзор бағыты бойынша қатынайды, деп хабарлайды Rail-news.kz.
Электр пойызы үшінші рельс арқылы 750 В тұрақты тоқ алып отырады. Әзірге аптасына 4 күн қатынайтын бір жұп пойыз пайдалануға берілді.
SWR мәліметінше, 90 пойыздың барлығы 2024 жылы іске қосылмақ.
Барлық 60 он вагондық және 30 бес вагондық пойыздарда жолаушылар орындықтары 2+2 конфигурациясында орналастырылған, бұл пойыздардың ерекшелігі де вагондарының кеңдігі болып табылады. Вагондарда биореакторлармен жабдықталған дәретхана қамтылған. Ұлыбританияның теміржол желісі Нидерланды мен Швейцарияның ізімен мұндай технологияларды бірінші болып қолданады. Бес вагондық пойыздарда мүгедектер арбалары үшін екі орын және велосипедтер үшін үш орын бар; он вагондық пойыздарда орын екі есе көп.