Қытай темір жолдары бірінші тоқсанда миллиардтан астам жолаушы тасымалдады
Қытай темір жолдары (CR) 2024 жылдың бірінші тоқсанында 1,014 миллиард жолаушы тасымалдады (орта есеппен тәулігіне 11,147 миллион адам), бұл 2023 жылдың осы кезеңімен салыстырғанда 28,5 пайызға артық, деп хабарлайды Rail-news.kz.
2024 жылдың қаңтар-наурыз айларында желіде күн сайын орта есеппен 10 486 жолаушыр пойызы жүрген, бұл өткен жылмен салыстырғанда 15,5%-ға жоғары. 15 күндік Қытай Жаңа жылын (Көктем мерекесі) тойлау кезінде рекордтық 480 миллион жолаушы тасымалданыпты.
CR шағын қалаларға жолаушылар пойыздарын жүргізуді жалғастыратынын және шалғай аудандарға баруды жеңілдету үшін осы бағыттардағы аялдамалар санын көбейтетінін мәлімдеді.
Қытай мен Еуропа арасындағы жүк пойыздарының саны да өсуде. 2024 жылдың алғашқы үш айында Қытай-Моңғолия шекарасындағы Эренхот теміржол өткелі арқылы Қытай мен Еуропа арасындағы екі бағытта 802 жүк пойызы өңделген, яғни 2023 жылмен салыстырғанда 7,5%-ға артық, бұл бірінші тоқсандағы рекордтық көрсеткіш. Қытайдан 426 пойыз жөнелтілген, ал Қытайға 376 пойыз келді, бұл 2023 жылғы деңгейден сәйкесінше 0,5 және 16,8%-ға жоғары.