CRRC жаңа жүрдек пойызын таныстырды
Қытайлық CRRC компаниясы Чунциндегі Бишан-Тунлян желісі үшін жаңа жүрдек пойызын таныстырды, бұл елдегі теміржол технологиясы мен инфрақұрылымының дамуындағы тағы бір үлкен қадам болып отыр.
Сыйымдылығы 420 адам болатын бұл пойыз төрт вагоннан тұрады және максималды жылдамдығы 160 км/сағ жетуге қабілетті, жұмыс жылдамдығы 120 км/сағ.
TX Logistik жаңа интермодальды сервисті іске қосады
Ол магнитті тартқыш қозғалтқыштармен жабдықталған, бұл еңіс жерде еш қиналмай жоғары көтерілуге мүмкіндік береді, яғни Чунцин орналасқан таулы жер үшін тиімді.
Жаңа пойыздың ерекшелігі оның автоматты режимде, яғни машинистсіз жұмыс істеу мүмкіндігі болып табылады және жоба инновациялық сипатқа ие.
Пойыздың корпусы алюминий қорытпасынан жасалған, бұл оны жеңіл және берік етеді.
Чунцин бұған дейін өзін Қытайдың теміржол инновациясының орталығына айналғанын танытып қойған.
2021 жылы мұнда ұзындығы 15,4 км болатын әлемдегі алғашқы машиниссіз басқарылатын монорельстік желі іске қосылған болатын.
Бұл желіде қытайлық BYD компаниясы әзірлеген екі вагонды SkyShuttle пойыздары 80 км/сағ жылдамдықпен жүреді. Бұл жоба жоғары технологиялық мүмкіндіктерді көрсеткен, қалалық инфрақұрылымды дамытудағы маңызды қадам болды.
2024 жылдың қаңтарында Чжэнчжоу-Чунцин желісінде бірінші жүрдек пойызының CRH380BL жүк тасымалдау қызметінің іске қосылуы сияқты соңғы оқиғалар да Чунциннің маңызды көлік торабына айналғанын көрсетті.
Бұрын бұл пойыздар тек жолаушыларды тасымалдау үшін пайдаланылып келсе, бүгінде жүрдек пойыздардың функционалдық мүмкіндіктерінің кеңейіп жатқанын көреміз.
Бишан-Тунлян пойыз жобасы Қытайдың заманауи және жоғары тиімді көлік жүйелерін дамытуға деген ұмтылысын одан әрі қуаттай түседі.
Мұндай инновацияларды енгізу азаматтардың өмір сүру сапасын жақсартуға, жол жүру уақытын қысқартуға және жол инфрақұрылымына жүктемені азайтуға көмектеседі.
Сонымен қатар, CRRC өз өнімдерінің экологиялық тазалығы бойынша белсенді жұмыс істеуде. Тұрақты магнитті тартқыш қозғалтқыштарды және алюминий қорытпалары сияқты жеңіл материалдарды пайдалану энергияны тұтынуды азайтады және көмірқышқыл газының шығарындыларын төмендетеді.
Бұл көліктің қоршаған ортаға тигізетін кері әсерін азайтуда әлемдік үрдістеріне сәйкес келетінін айта кету керек.
Сондықтан Бишан-Тунляң желісіндегі жаңа жүрдек пойыз Чунцин аудандары арасындағы тасымалдауды жақсартып қана қоймай, сонымен қатар Қытайдағы жүрдек теміржол қатынасының дамуындағы маңызды кезеңді көрсетіп отыр.
Бұл жоба елдің көлік жүйесін түрлендіруді және әлемдік аренадағы позициясын нығайтуды жалғастыратын озық инженерия мен технология.