Euro-2024 жанкүйерлері үшін Германия жаңа жүрдек пойызды іске қосты
Футболдан Еуропа чемпионаты барысында Германияның Deutsche Bahn (DB) тасымалдаушы компаниясы Амстердам, Кельн және Франкфурт арасындағы бағыт бойынша жаңа ICE 3neo жүрдек пойыздарды іске қосты, деп хабарлайды Rail-news.kz.
15 маусымнан бастап бұл бағытта заманауи пойыздар күніне жеті реттен қатынап жатыр.
Бұл қадам көлік инфрақұрылымын жақсартуға және ауқымды спорттық шара кезінде жолаушыларға жайлылықты арттыруға бағытталған.
Немістің Siemens Mobility концерні жеткізген жаңа ICE 3neo пойыздары 320 км/сағ жылдамдықпен жүреді және 439 жолаушыға арналған, оның ішінде бірінші класта 99 орын және екінші класта 340 орын бар.
Пойыздарда мүмкіндігі шектеулі жолаушыларға жағдай жасалған, сонымен қатар велосипедтерді тасымалдауға арналған арнайы орын қарастырылған.
Вагондар ұялы байланыс сигналдарын тұрақты қабылдауды қамтамасыз етеді, бұл қазіргі саяхатшылар үшін саяхатты ыңғайлы етеді.