Өзбекстан мен Әзірбайжан Транскаспий дәлізі үшін паромдарды бірлесіп өндірмек

Өзбекстан мен Әзірбайжан кеме жасау саласында ынтымақтасуға келісті, деп хабарлайды Rail-news.kz.

Railway Supply порталының мәліметінше, жоспарларға Өзбекстанда жүк тасымалына қызмет көрсететін паромдарды бірлесіп салу кіреді.

Бұл жоба Өзбекстанның Каспий теңізі арқылы өтетін логистикалық мүмкіндіктерін жақсартуға бағытталғандықтан, екі ел үшін де стратегиялық маңызды болып табылады.

Жалпы инвестиция көлемі 150 миллион АҚШ долларын құрайды деп күтілуде. Осы серіктестік аясында екі ел арасындағы тиімді көлік қатынасын қамтамасыз ететін паромдар салынбақ.

Жоба тек кеме жасаумен шектелмейді. Өзбекстан мен Әзірбайжан паромдар салумен қатар, бірлескен қоймалар құру мүмкіндігін қарастыруда.

Бұл шешім жеткізу уақытын айтарлықтай қысқартады және Транскаспий халықаралық көлік бағдарындағы (ТХКБ) логистикалық процестерді жеңілдетеді.

Мұндай қоймаларды құру бағыттың бәсекеге қабілеттілігін арттырып, жүк жөнелтушілер үшін тартымды етеді.

TХКБ-ні басқаратын және дамытатын бірлескен компания құру бастамасы аймақтың инфрақұрылымын дамытудағы тағы бір маңызды қадам болып табылады.

Екі елдің осы бағыттағы бірлескен жұмысы Каспий теңізі арқылы өтетін көлік дәліздерін тиімдірек пайдалануға және халықаралық жүк тасымалының негізгі бағыттарының бірі ретінде ТХБК ұстанымын нығайтуға мүмкіндік береді.

Жобада жүктерді өңдеу және сақтау үшін заманауи инфрақұрылым салу да қарастырылған.

Бұл экспорттаушылар мен импорттаушылар үшін жағдайды айтарлықтай жақсартады, оларға жеткізу тізбегін оңтайландырудың жаңа мүмкіндіктерін береді.

Осы ынтымақтастық аясында салынатын жаңа паромдар мен қоймалар екі елдің логистикалық мүмкіндіктерін айтарлықтай кеңейтіп, халықаралық көлік нарығындағы позицияларын нығайта түспек.

Осылайша, Өзбекстан мен Әзірбайжан арасындағы әріптестік Орталық Азия мен Кавказ арасындағы көлік байланысын дамытудың жаңа перспективаларына жол ашып отыр.