Синай түбегінде 50 жылдан кейін жолаушылар пойызы қайта қатынай бастады
Египет темір жолдары (ENR) 50 жылдан кейін Синай түбегінде жолаушылар тасымалын қалпына келтірді. Пойыз Эль-Фердан (Исмаилия) - Бир Эль-Абд аралығындағы 100 шақырымды желіде сынақтан өткізуге жіберілді, деп хабарлайды Rail-news.kz.
Бұл Фердан, Саид порты, Бир эль-Абдыны Израильдің Эйлат портынан 10 км қашықтықта орналасқан Ариш және Таба порттарымен байланыстыратын үлкен жоба. Нақтырақ айтқанда 500 шақырымды теміржол желісін құру жөніндегі үлкен жобаның бірінші кезеңі болып табылады. Жүргізілген жұмыстарға жолды және бес станцияны, соның ішінде Бир әл-Абдты жаңарту кіреді.
Синай түбегінде теміржол қатынасын, соның ішінде жүк тасымалының қайта жандануы Мысыр үкіметінің аймақтағы дамуды арттыру стратегиясының маңызды бөлігі ретінде қарастырылады. Бұл түбектің өнеркәсіптік және елді мекендері, сондай-ақ тауарлары Ариш және Таба порттарына экспортталатын тау-кен аймақтары арасында әртүрлі өнімдерді тасымалдау жағдайларын жақсартады.