Румынияда алғашқы Coradia Stream пойызы іске қосылды
Alstom Румыния темір жолдарының реформалау басқармасы (ARF) үшін жасап жатқан 37 Coradia Stream аймақаралық электр пойыздарының алғашқысы 2024 жылдың 20 қарашасында тұрақты қызметке кірісті, деп хабарлайды Rail-news.kz.
Бұған дейін ол сынақтан өткен, соның нәтижесінде пойыз 10 мың шақырымды еңсерді. Алты вагондық пойыз Бухарест пен Брашов арасында жүреді. Осылайша Румыния темір жолдарына соңғы 30 жылда алғаш рет жаңа электр пойызы келіп отыр.
Төмен табанды электр пойызында барлығы 351 орын бар. Аралық вагондардың екі жағында екі есік, ал соңғы вагондарда бір есік бар. Пойызда төрт экологиялық таза дәретхана қамтылған, оның бірі қозғалыс мүмкіндігі шектеулі адамдарға бейімделген. Дыбыстық ескерту жүйелері мен ақпараттық дисплейлер қамтамасыз етілген.
Пойыз жоғары дәлдіктегі датчиктерге негізделген жолаушыларды сандық санау жүйесімен жабдықталған. Пойыздың максималды жылдамдығы 160 км/сағ.
ARF және Alstom арасындағы келісімшарт 15 жылға ұзарту мүмкіндігімен, өндірушінің пойыздарға техникалық қызмет көрсетуін қарастырады.