Қытай темір жолдары 11 айда 4 миллиардтан астам жолаушы тасымалдады
2024 жылдың қаңтар-қараша айлары аралығында Қытай темір жолы (CR) 4 миллиардтан астам жолаушы тасымалдады, бұл өткен жылмен салыстырғанда 12%-ға көп, деп хабарлайды Rail-news.kz.
Тек 2024 жылдың қараша айында жолаушы тасымалы 304 млн адамға жетті, бұл 2023 жылдың сәйкес кезеңімен салыстырғанда 8,8%-ға артық.
11 айда теміржол жүк тасымалының көлемі 4,715 млрд тоннаны құраған, бұл 2023 жылдың деңгейінен 2,5%-ға (1,7 млрд тонна) жоғары; 2024 жылдың қарашасында 455 млн тонна тасымалданды (өсім 6,4%).
Қытайдың темір жолының жалпы ұзындығы 160 мың км-ден асты, оның ішінде 46 мың км-і жүрдек темір жолдар. Желіде 3300-ден астам жолаушылар станциясы бар, оның 1300-ден астамы жүрдек пойыздарды қабылдайды.
Қазіргі уақытта Қытайдың темір жол желісі 200 мыңнан астам халқы бар қалалардың 99%-ын, ал жүрдек теміржол желісі 500 мыңнан астам халқы бар қалалардың 97%-ын қамтиды.
2024 жылдың қаңтар-қараша айлары аралығында CR ұлттық теміржол инфрақұрылымына 711,7 миллиард юань инвестиция салып, 2298 шақырым жаңа теміржол желісін пайдалануға берді.