Түркиядағы жаңа мультимодальды терминал 2025 жылы іске қосылады
Түркияда Қожаәлі провинциясының Картепе ауданында орналасқан жаңа мультимодальды логистикалық терминал — Railport 2025 жылы жұмысын бастайды, деп хабарлайды Rail-news.kz.
Бұл жоба Arkas Holding компаниясы мен жүк тасымалдаушы оператор duisport-тың бірлескен кәсіпорны ретінде жүзеге асырылуда. Терминалды басқару үшін операциялық жүйе жеткізушісі ретінде түрік компаниясы GullsEye таңдалған. Бұл жүйе Railport қызметін теміржол және автомобиль көлігінің мүмкіндіктерін біріктіру арқылы оңтайландыруға бағытталған.
Заманауи инфрақұрылымы мен Ыстамбұлдан оңтүстік-шығысқа қарай 150 км қашықтықтағы тиімді стратегиялық орналасуының арқасында жаңа терминал Түркияның Шығыс пен Еуропа елдері арасындағы әлемдік саудада маңызды орын алуын қамтамасыз етеді.
2018 жылы Еуропалық қайта құру және даму банкі (ЕҚДБ) терминалдың құрылысын қаржыландыру үшін 30 миллион АҚШ доллары көлемінде несие беруді мақұлдады. Құрылыс жұмыстары 2023 жылдың қыркүйегінде басталып, батпақты жерлер мен жоғары ылғалдылық жағдайларында жүргізілуі себепті белгілі бір қиындықтармен өткен.