Audi автомобильдерімен тиелген алғашқы Қытай-Еуропа жүк пойызы Чунцинге келді

Еуропадан импортталған Audi автокөліктерді тасымалдайтын алғашқы жүк пойызы дүйсенбіде Қытайдың оңтүстік-батысында орналасқан Чунцин қаласына келді. Құны 32 миллион юаннан асатын (шамамен 4,95 миллион АҚШ доллары) 82 Audi A8L-мен жүк тиелген пойыз 20 күн бұрын Германияның өндірістік қаласы Дуйсбургтан аттанды. Көліктер Сычуань, Гуйчжоу, Шэньси және Қытайдың басқа батыс аймақтарына жеткізіледі. «Әр апта сайын Audi көліктерін тасымалдайтын бір-екі арнайы жүк пойыздары Чунцинге келеді, оның алғашқы партиясы құны 800 миллион юаньнан асатын 2000-нан астам көлік тасымалдайды», - деді Чунциннің Сюйюнь кешенді кедендік аймағының ресми өкілі Пей Лэй. Қытай-Еуропа теміржол бағыты автомобильдерді тасымалдау уақытын шамамен 15 күнге дейін қысқартады, ал жүктерді теңізбен тасымалдау үшін екі айдан астам уақыт қажет болды. Бірінші Қытай-Еуропа жүк пойызы орталық Чунциннен 2011 жылдың наурыз айында шыққаннан бері, Еуропаның 22 еліндегі 160-тан астам қалаларға бағыттар ашылды.