Түлкібас – Шымкенттің қақпасы

Новости

20.01.2017, 19:05

1917 жылы салынған Түлкібас темір жол вокзалына келер жылы бір ғасыр толады. Облыс аумағына кірер қапа сынды станцияны былайғы жұрт, әсіресе пойызбен жолаушылайтын халық алманың отаны деп таниды. Рас, шелек-шелек алма көтерген жергілікті халық келген-кеткен жолаушы пойыздарына алып шығады. Сондықтан, жұпыны ғана вокзалы бар станциядан түсіп, Түлкібастың иісі бұрқыраған алмасын сатып алмаған жан кемде кем шығар. Шағын болса да сүйегі мықты ғимарат ғасыр өтсе де сыр бермей тұр. Жүз жыл бұрын тұтқында жүрген австриялықтар мен поляктардың қолымен тастан қашалып тұрғызылған вокзал қабырғасының қалыңдығы 1 метрге жетеді. Жаңаласа әлі талай жылға жететін түрі бар. Сегіз жылдан бері вокзал шаруасына жауапты Бауыржан Рысқұлбекұлы кезінде Түркістаннан кейінгі жөнделетін вокзалдың бірі Түлкібас болатын, қаржының қысқаруына байланысты жасалмай қалды дейді. – Вокзал 2014 жылдан бері ұлттық компанияның меншігіне өтті. Бұйырса 2017-2018 жылы жөндеу жүргізіледі деп күтіп отырмыз. Заманауи ана мен бала, мүгедектер бөлмесі үлкен қалаларда ғана бар. Бірақ, халық саны өсіп жатқан біздің ауданға да керегі болады. Өйткені жұп күндері 28, тақ күндері 32 жұп пойыз жүреді. «Тұлпар-Тальго» жүрдек пойызынан басқа жолаушылар пойызының бәрі тоқтайды. Қыста күн сайын 200-250, ал жазда 300-350 жолаушы билет алады. Вокзалдан келіп мініп, осы жерден түсетіндерді қосқанда тәулігіне 500-ден аса жолаушы келіп-кетеді, - дейді вокзал бастығы. Бүгінде вокзалдағы жүк сақтайтын қойма шатырынан жауын-шашынды күндері су ағатындықтан қолданылмай тұр екен. Жолаушылар жүктерін затын алуға өткізетін орын таппай, қолайсыздық та туындап жататынны шындық дейді. Он бес шақты вокзал қызметкерлері күні-түні жолаушыларға қызмет көрсетіп, қауіпсіздігін қамтамасыз етіп келеді.

Түлкібас – Шымкенттің қақпасы

Читайте также