КӘСІБІ БОЙЫНША ҮЗДІК АТАНДЫ

Новости

18.04.2017, 12:03

Түркіменстан мен Қазақстан шекарасындағы «Болашақ» станциясы Елбасымыздың экономикамызды дамытуға арналған үлкен жобаларының арқасында бой көтерді. Бүгінде заманға сай қалашыққа айналған шекара маңындағы мекен тұрғындарының көпшілігі басым бөлігін теміржолшылар құрайды. Солардың бірі, станциядағы өрт сөндіру пойызының жөндеу шебері Ербол Бытық еліміз тәуелсіздік алған жылдан бері теміржол саласында жемісті еңбек етіп келеді. Ол ұзақ жылдар бойы түрлі деңгейдегі қарапайым жұмысшы болды. 2005 жылдан 2012 жылға дейін Ақтөбе өртке қарсы қызмет жасағына қарасты Әйтеке би өрт сөндіру пойызында абыройлы жұмыс істеді. 2012 жылы жұмыс бабымен Болашақ өрт сөндіру пойызына ауысып, бүгінге дейін өз міндетін жауапты да, адал атқарып келеді. «Еңбек етсең емерсің» дегендей, таяуда Ербол Амангелдіұлына «Кәсібі бойынша үздік» атағы берілді. «Болашақ» станциясы бастығының міндетін атқарушы Нұркен Қосымов төсбелгіні салтанатты түрде табыс етіп, әріптестері «Еңбегің жана берсін!» деп тілек білдірді. Теміржолшылар әулетінен шыққан Ербол Бытық сегіз ағайынды. Оның аға-жеңгелері, апа-жезделері, іні-келіндері, қарындас-күйеулерінің бәрі де «бір терінің пұшпағын илеп», отандық теміржолдың дамуына қал-қадірінше еңбек етіп келеді. Әкесі Амангелді 25 жыл бойы Сағыз станциясында әскерилендірілген теміржол күзеті бөлімінің басқарған. Бүгінде өмірден өткен ардагер 1980 жылы «Еңбек Қызыл Ту» орденімен және «Ерен еңбегі үшін» медалімен марапатталған. Анасы Ғалия Хисимова сегіз баланы дүниеге әкелген алтын құрсақты ана. Кезінде Сағыз станциясындағы №8 Азаматтық құрылыс дистанциясында еңбек еткен екен. Келіншегі Фарида шетелдік жүктерді қабылдап-тапсыру агент болып болып еңбек етеді. Ұлы Елубай Амангелдиев өзімен бірге өрт сөндіру пойызында өрт автокөлігінің жүргізушісі болса, қыздары Жұмагүл мен Жайнагүл бірі студент, бірі мектеп оқушысы.

КӘСІБІ БОЙЫНША ҮЗДІК АТАНДЫ

Читайте также

Газета Қазақстан теміржолшысы, №46 от 16 июня 2026 года