Теңіз тасымалы артты

Новости

21.04.2017, 16:33

Еліміздің теңіз порттары арқылы қазақстандық теңіз тасымалдаушыларының үлесі артып отыр. Ақтау және Құрық портындағы айлақтар арқылы өтетін жүктердің көп бөлігін елімізден шығарып тасуға басымдық берілуде. Бұл туралы ҚР Мәжілісінде өткен үкімет сағаты аясында айтылды, деп хабарлайды «Атамекен бизнес ченел» порталы. Парламент биліктегі көліктің барлық түрлері бойынша салаларды басқаратын және сол көліктердің жүріс-тұрысын бақылайтын орган басшыларын жинап, үлкен алқа құрған болатын. –Қазіргі кезде қазақстандық теңіз тасымалдаушыларының үлесі 10-нан 35 пайызға дейін өсті. Бізде бүгінде 11 кеме, оның ішінде 8 танкер, 3 құрғақ жүк таситын кеме бар. 2020 жылға дейін 2 паром тұрғызылады. Кемелердің жалпы саны 20-ға дейін жеткізілмек. Біз қазақстандық порттардан халықаралық нарыққа жол тартатын барлық жүк көлемінің 65 пайызын 2020 жылға қарай біздің кемелер тасиды деп жоспарлап отырмыз», – деді ҚР инвестициялар және даму министрі Жеңіс Қасымбек. Ол Құрық портындағы теміржол паромдық кешені операциялық қызметін бастағанын айта келе: «Паромдық терминал биылғы наурыз айынан операциялық қызметін бастады. Бүгінгі күнге 120 цистернаға жуық немесе 10 мың тонна мұнай өнімі тиеп-түсірілді. Жылдың соңына дейін осы терминал арқылы 500 мың тоннадан астам жүкті тиеп-түсіру жоспарланып отыр», – деп атап өтті. Сондай-ақ биыл автокөлікке арналған паромдық кешен құрылысының екінші кезеңі басталды. Осы мақсаттарға 2017 жылғы бюджеттен 50 миллиард теңге қарастырылған. Жобаны жүзеге асыру болашақ жүк ағынын толықтай тиеп-түсіруге және Ақтау портының паромдық терминалын жеңілдетуге мүмкіндік береді. Жалпы 2020 жылға дейін теңіз порттарының қуаттылығын 26 млн тоннаға дейін арттыру жоспарланып отыр. Төртінші құрғақ жүк кемесін осы жылдың ортасына қарай әкелу жоспарлануда. Отандық танкерлер Түркіменбашы – Баку, Махачкала – Баку бағыттарында жүк тасымалдауды бастады. Солар арқылы тасымалданған жүк көлемі 2016 жылы тиісінше 1 млн тонна және 160 мың тонна болды.

Теңіз тасымалы артты

Читайте также

Газета Қазақстан теміржолшысы, №46 от 16 июня 2026 года