Жарайсыңдар, жолсеріктер!
Новости
21.04.2017, 17:17

Пойыздар жалпыхалықтық көлік десек артық айтпаймыз. Жалпы халыққа бірдей қолжетімді темір жол көлігі арқылы күніне мыңдаған адам сапар шегеді. Сондықтан, пойызда дүниеге келіп, кіндігі кесіліп жататын сәбилер біздің елде аз емес. Жуырда сондай бір оқиға ғана «Арқалық-Астана» пойызында да орын алды.
«Арқалық-Астана» жолаушылар пойызының бастығы Үмітай Жакишева бастаған жолсеріктер әдеттегідей сәуірдің 12 күні Арқалықтан елордаға сапарға шыққанда ешқандай төтенше оқиғадан хабар да болмаған. Жолшыбай Атбасардан пойызға мінген жас келіншек те күдік туғыза қоймаған, себебі аяғы ауыр болғанмен, айы-күні жетіп отырмағаны белгілі еді. Бірақ, табиғаттың тосынсыйы таусылған ба...
Осымен екінші рет ана болғалы отырған атбасарлық Динара Сұлтанова Астана қаласындағы «Ана мен бала ұлттық ғылыми орталығына» медициналық тексеруден өтуге келе жатқан екен. Амал қанша, жеті айға енді толса да аяқ астынан толғақ нышаны байқалып, іші ауырып бастаған келіншек шарасыздықтан жылай бастайды. Сол 9-шы вагонның жолсерігі Асқар Шоманов жайсызданып жатқан келіншекті алдымен байқап, жанындағы жолсерігі Назгүл Махметоваға айтады. Өзінің 11 жылдық еңбек жолында мұндай оқиғаға алғаш рет тап келген ол бірден пойыз бастығына хабар береді. Ал тәжірибелі Үмітай Жакишева еш саспастан бірден іске кіріседі. Медицинадан хабары бар пойыз бастығы дереу келіп келіншектің жағдайын қарап көріп, жақын станциядағы жедел жәрдемді шақыртады. Әрі қарай пойызды тоқтатпай, жедел-жәрдемді де күтпестен кез келген жағдайға дайын болу үшін іске кіріседі.
– Бұрын медицина саласында қызмет еткенмін, тәжірибем бар. Былтыр да Сарыағаш пойызында бір әйелді босандырып алғам. Медициналық қобдишамда этиль спирті мен залаласыздандырылған дәке, тағы басқа керек-жарақ міндетті түрде болады. Бұл жолы да таза төсек-орын, жаялықтарды дайындап, қам жасап дайын тұрдық. Келіншекке қолдан келгенше жағдай жасап, бар ақыл-кеңесімізді айтып, жедел жәрдемге жетпей босанып қалуы мүмкін екенін сезген соң, амал қанша ана мен бала өмірін сақтау үшін жанымызды салдық. Пойыз Жайнақ станциясына жеткенде бірінен соң бірі егіз қыз дүниеге келді. Кіп-кішкентай, қызылшақа шараналар, көрер жарығы бар болса адам болып кетер деген үміттеміз, -дейді жол үстінде туылған бірнеше балаға кіндік шеше болып үлгерген Үмітай Жакишева.
Пойыз Астанаға келіп тоқтаған соң, жас босанған ана мен оның сәбилерін перронда күтіп тұрған «Жедел жәрдем» көлігіне отырғызған соң ғана жолсеріктер бригадасы еркін дем алыпты.
Міне, жолаушы қызметінде өз міндеттерін мінсіз атқарумен қатар адам өмірі шешілетін ситуациялық сәттерде тығырықтан жол тауып, дәрігердің де рөлін атқарып, талай балаға кіндік шеше болып жүрген осындай жолсеріктердің еңбегін «Жолаушылар тасымалы» АҚ ескерсе екен дейміз.
Жансая ШЫҢҒЫСХАНҚЫЗЫ
Суретті түсірген Александр ЖАБЧУК
КТЖ в лицах
14.07.2025
Менеджера департамента технической политики Алтынкул Отарову проводили на пенсию
Регионы
14.07.2025
Дети усть-каменогорских железнодорожников побывали в Астане
Регионы
14.07.2025
День работников вагонного хозяйства отметили на станции Илецк
Новости
14.07.2025
Казахстан и Афганистан подписали меморандум о строительстве железной дороги Тургунди – Спин-Болдак
Пассажирские перевозки
14.07.2025
Более 4,2 млн пассажиров в летний сезон готово перевезти КТЖ по своим маршрутам
Новости
11.07.2025
Транспортные полицейские напомнили правила безопасности на железной дороге
Новости
11.07.2025
Руководство КТЖ провело выездное совещание по вопросам развития туризма
Пассажирские перевозки
11.07.2025
Новый электропоезд «Burabay Express» начал курсировать по маршруту Астана-Боровое
Новости
11.07.2025
АО «Қазтеміртранс» открыло сервисный кабинет для грузоотправителей и получателей в Кокшетау
Новости
11.07.2025
Более 119 млн тенге сэкономили железнодорожники благодаря платформе PrimeZone
Новости / Архив
11.07.2025
Газета Қазақстан теміржолшысы, №52 от 11 июля 2025 года
Спорт
10.07.2025
Около 250 железнодорожников участвуют в республиканской спартакиаде в Щучинске
Новости
10.07.2025
KTZ Express организовало экспортную мультимодальную перевозку в страны ЕС
Новости
10.07.2025
KTZ Express и AD Ports Group создали совместное предприятие GulfLink
Новости
10.07.2025
Из Урала - в Китай: через Казахстан наладили новый экспортный маршрут
КТЖ в лицах
10.07.2025
Четыре десятилетия на станции Баталы: история дежурной Улбасын Саулебаевой
Новости
09.07.2025
Железнодорожники помогли потушить здание в жилом секторе станции Сексеул
Новости
09.07.2025
КТЖ и Китайские железные дороги подписали новое соглашение о стратегическом сотрудничестве
Пассажирские перевозки
09.07.2025
АО «Пассажирские перевозки» объявило о запуске пятого сезона туристического поезда «Jibek Joly»
Новости
09.07.2025
Контроль за безопасностью движения на подъездных путях усилили в КТЖ