Қауіпсіздік шаралары күшейтілуде

Новости

28.04.2017, 15:06

Жылдың алғашқы тоқсанында «Қызылорда жүк тасымалы» бөлімшесіне қарасты болатжолшылар 16 көрсеткіштің тек біреуін ғана межесіне толық жеткізе алмаған. Ол 52,66 тонна болып межеленіп, 52,15 тоннамен жалпы есепте 99,0 пайызға орындалған жүк тиелген вагондардың динамикалық жүктемесі болатын. Үш айда «Қызылорда жүк тасымалы» бөлімшесі бойынша пойыздық және маневрлік жұмыс кезінде ақау орын алмаған. Және де осы аралықта бір мәрте жұмыстағы қиыншылықтар (үстіміздегі жылдың ақпан айының 20-сында Қоскөл – Жезқазған учаскесінің Қарсақпай станциясында тепловоз машинисі УКСПС құрылғысының іске қосылып «Дабыл-2» белгісі берілгенін аңғарып қызметтік тежегішті басуға мәжбүр болған екен. Нәтижесінде иесіз жылқы малы жылжымалы құрамға басылған) орын алған. Қараөзек – Қызылорда перегонында №618 жолаушылар пойызының астына адам басылып бір рет қауіпсіздікті бұзушылықтың өзге де жағдайы орын алған. Қозғалыс қауіпсіздігінің бұзылу жағдайлары өткен 2016 жылдың үш айында 4 мәрте орын алса, биыл 2 рет орын алып отыр. Бөлімше бойынша өткен үш айда жылжымалы құрамдардың қозғалыс қауіпсіздігін сақтау мақсатында бірнеше арнайы шаралар ұйымдастырылып, оған теміржолшылар жұмылдырылыпты. Өткен айларда жіберілген олқылықтардың орны толтырылып, олардың қайталамаудың алдын алып пысықтау инструктаждары өткізіліпті. Қауіпсіздік бөлімі мамандары күнделікті бөлімше бойынша қозғалыс қауіпсіздігіне тікелей қатысты жайттарды сарапқа салып, тосын жағдайлардың екінші мәрте қайталанбауы үшін керекті шаралардың орындалуына жұмыс жасауда. –Сала бойынша өткізіліп жатқан акциялар аясында бөлімшедегі диспетчерлік шеңберлерде және техкабинеттерде арнайы техникалық сабақтар өткізілуде. Сонымен қатар бөлімшеден тыс телімдер бойын аралап әрбір станциядағы теміржолшылармен пысықтау инструктаждарын өткізіп, олардың тәжірибесін арттыруға күш салудамыз. Мәселен, Жаңақорған станциясында «абайлаңыз тежегіш!» тақырыбында, Жезқазған станциясында «орын алған ақаулықты қайталамау» мақсатында Төретам, Тереңөзек және Жосалы станцияларында техникалық сабақтар өткізілді. Және де қазіргі таңда бөлімше телімдерінен өтіп жатқан жолаушылар пойыздарының техникалық жағдайын тексеріп, анықтау бойынша рейд ұйымдастырылуда, – дейді бөлім басшысы Бекжан Өтеулиев.

Қауіпсіздік шаралары күшейтілуде

Читайте также

Газета Қазақстан теміржолшысы, №46 от 16 июня 2026 года