«ЭКСПО-2017» көрмесіне билет сатылуда

Новости

12.05.2017, 17:21

Ақтөбе жүк тасымалы бөлімшесі мен көрші бөлімшелер аумағына қарасты теміржол вокзалдарында «ЭКСПО-2017» көрмесіне билеттер сатылып жатыр. Бүгінде қандай бағытта болмасын жол жүру құжаттарын рәсімдеуге келген жолаушыға көрмеге қатысты мәліметтер ұсынылуда. Мысалы, Ақтөбе вокзалында ха-лықаралық көрме билеттерін сатып алған жағдайда жол жүру билеттеріне қандай жеңілдіктер берілетіні егжей-тегжей түсіндіріледі. – Орал, Атырау, Қызылорда, жалпы «Жолаушылар тасымалы» АҚ Батыс филиалына қарасты вокзалдардың көбісінде көрмеге билеттер ашық сатылып жатыр. Сонымен бірге, дисконтты карталар ұсынылуда. Олардың бағасы 9999 теңге, – дейді филиалдың жолаушылар тасымалы жөніндегі орынбасары Василий Подлисовский. Оның айтуынша, билеттерде «ЭКСПО-2017» көрмесіне билеттер бағасы 4 мың теңгеден басталады. «Бүгінде қала мекемелерін де аралап шықтық. Барлығына ұсыныс хаттар жолдадық. Мекеме басшыларына кіріп, билеттерді қалай алуға болатынын, дисконтты карталардың не үшін айналымға шығарылғанын түсіндірудеміз. Дисконтты карта иелері «Тұлпар-Тальго» пойыздарына 15 пайыз жеңілдікпен міне алады. Ақпараттарды барлық вокзалдарға екі тілде орналастырдық. Жолаушыларға шағын кітапшалар ұсынылуда», – дейді ол. Филиал директоры орынба-сарының айтуынша, мейрам алды күндері 40 дисконтты карта сатылған. Жүздеген жолаушылар ЭКСПО-ға билет алып, жол жүру құжаттарына жеңілдік алуда екен. Бүгінде «Жолаушылар тасымалы» АҚ басшылығы жергілікті компаниялармен қоса кәсіпорын басшыларына да кіріп, түсіндіру жұмыстарын жалғастыруда. «Бүгінде топ болып билет алып жатқандар баршылық. Олар билетке тапсырыс беруде. Бір ғана Орал қаласының өзінен 800 билет алуға ұсыныс келіп түсті. Атырау облысынан да өтініштер алып жатырмыз», – дейді Василий Подлисовский. Айта кетейік, «ЭКСПО» көрмесіне билет жұмыс күндері 4 мың теңге болса, «Жолаушылар тасымалы» АҚ ұсынған жеңілдік бойынша 2390 теңгеге шығады. 6 мың теңгенің билетін 3485 теңгеге сатып алуға болады. Ал, дисконтты билет бағасы 9999 теңге. Оны алған адам жыл соңына дейін «Тальго» пойыздарына 15 пайыз жеңілдікпен міне алады, сонымен бірге көрменің 8 мың теңгелік билетіне жеңілдік қарастырылған. Василий Подлисовскийдің айтуынша, бүгінге дейін 54 дисконтты карта, 110 билет сатылған.

«ЭКСПО-2017» көрмесіне билет сатылуда

Читайте также

Газета «Қазақстан теміржолшысы», №56 от 05 июля 2024 года