"Айналайын" ағадан...

Новости

19.05.2017, 11:46

Әсілі, әр мекеменің, әр ортаның әрі мен сәнін келтіріп отыратын жандар бар. Кез келген жиынның жанын кіргізетін ерекше адамдар да болады. «Ақтөбе темір жолының «айналайыны» атанып кеткен Бошық Қуатов сондай жан. Аймақ теміржолында қырық жыл еңбек еткен тарлан теміржолшы міне, 70 жасқа толыпты. Тек теміржолшыдар емес, Ақтөбенің зиялы жұрты, жастары, шенділері, қарапайым халқы жақсы танитын Бошық аға ерекше белсенді, көңілді, бастамашыл, сөзге шешен, кез-келген ортаның сәнін келтіретін қасиетімен үлкенмен де кішімен де құрдасындай тең сөйлесіп, адамның іші бауырына кіретін жанның «Айналайын» деген «фирменный» сөзін бар. Көп жыл Вагон шаруашылығында еңбек еткен, сосын кәсіподақ қызметінде тер төгіп, теміржолшылардың әлеуметтік мәселелерін шешумен айналысқан ардагер бүгінде Ақтөбе бөлімшесі бойынша ардагерлер кеңесінің төрағасы «Біз өңірде болып жатқан шараларға әрдайым Бошық ағайды құрметтеп шақырып отыратынбыз. Өйткені, біз үшін осындай айтары бар жандардың сөз сөйлегені керек. Қашанда жарқын жүзді, маңдайы ашық, жастардан еш аянбайтын Бошық ағайды біздің жастар қуана-қуана қарсы алады. Үнемі оның сөздеріне мұқият құлақ асып, кейін тіпті шағын отырыстарда еске алып отырады. Оның жоғары тембрмен, интонациямен сөйлеген сөздері түсінген адамды шабыттандырып, рух беретіндей. Соның ішінде, теміржолдың мән-маңызын түсіндіріп, ой салады», - дейді ақтөбелік жастардың атынан, бүгінде басшылық қызметте жүрген жас азаматтардың бірі Мұрат Тасмағамбетов. Мерейтой иесі туралы оның ауылдасы, әрі әріптесі, бүгінде «ҚТЖ» ҰК» АҚ Ардагерлер кеңесі төрағасының орынбасары Жұмагүл Әлжан жылы лебізін білдірді. «Шалқарда болат жолдың бойында бірге қызмет еттік, қоғамдық жұмыстарға араластық. Тіпті жүз адамнан құралған хор құрып, облыс орталығына барып, өнер көрсеттік. Бізді орталық телевидениеге шақырып, бағдарлама түсірді. Республикада теңдессіз хор ұжымынан елу адам болып Алматыға бардық. Ақкөңіл, мінезі керемет, құдай бере салған азамат дер едім. Бүгінде Бошық Ақтөбе жүк тасымалы бөлімшесінде ардагерлер кеңесінің төрағасы. Біз қызмет бабымен қайта қауышып отырмыз», - дейді ұлттық компанияның Орталық Ардагерлер кеңесі төрағасының орынбасары Жұмагүл Әлжан. Бүгінде Бошық ақсақалды танитын барша жан оны мерейтойымен құттықтап, лебіздерін жаудырып жатыр. Жергілікті бөлімше басшылығы мен қатардағы теміржолшылар қауымы мерейтой иесінің отбасына амандық тілейді. «Шалқарда болат жолдың бойында бірге қызмет еттік, қоғамдық жұмыстарға араластық. Тіпті жүз адамнан құралған хор құрып, облыс орталығына барып, өнер көрсеттік. Бізді орталық телевидениеге шақырып, бағдарлама түсірді. Республикада теңдессіз хор ұжымынан елу адам болып Алматыға бардық. Ақкөңіл, мінезі керемет, құдай бере салған азамат дер едім. Бүгінде Бошық Ақтөбе жүк тасымалы бөлімшесінде ардагерлер кеңесінің төрағасы. Біз қызмет бабымен қайта қауышып отырмыз», - дейді ұлттық компанияның Орталық Ардагерлер кеңесі төрағасының орынбасары Жұмагүл Әлжан. Бүгінде Бошық ақсақалды танитын барша жан оны мерейтойымен құттықтап, лебіздерін жаудырып жатыр. Жергілікті бөлімше басшылығы мен қатардағы теміржолшылар қауымы мерейтой иесінің отбасына амандық тілейді.

"Айналайын" ағадан...

Читайте также

Газета «Қазақстан теміржолшысы», №56 от 05 июля 2024 года