Трансформация бағдарламасының тиімділіктері

Новости

02.06.2017, 08:58

Бүгінде «ҚТЖ-Жүк тасымалы» АҚ Семей жүк тасымалы бөлімшесі филиалы бойынша ұлттық компания тарапынан қолға алынған қызметтік саясаттың басымды бағыттары ұдайы түрде насихатталады. Сала қызметкерлері арасында дұрыс түсінік қалыптастыру, кейбір өзекті мәселелерге жауап табу – ұжымның белсенділігіне де оң ықпал ететіні анық жайт. Осы орайда бөлімше басшылығы жиындар мен кеңестер барысында компания өмірінің елеулі жаңалықтарымен қатар алдағы тұрған міндеттер, жаңа белестер жайында да кең көлемде мағлұмат беруде. Мәселен, бөлімшедегі басқосулар барысында жиі қозғалатын тақырыптардың бірі – еліміз бойынша ҚТЖ алғаш қолға алып отырған трансформация бағдарламасының тиімділіктері. Бұл ретте бөлімше басшысы Марлен Көкірекбаев аталмыш игілікті шараның қазіргі күннің өзінде оң нәтижемен іске аса бастағанын тілге тиек етуде. ҚТЖ»бағдарламасын тиімді түрде іске асыру – теміржол қызметінің кемшін тұстарын анықтап, кешенді шаралар қабылдауға зор мүмкіндік береді. Ал негізгі міндет, аталмыш бағыт аясында барлық өндірістік салаға оңтайластыру және сапалық сипат беру арқылы қызмет барысын халықаралық стандартқа сай ету меже саналады. Бұл жайттарды есепке алсақ, трансформацияның жұмыс процесін жақсартатыны анық. Демек, еліміздегі тасымалдау қызметі және теміржол инфрақұрылымында маңызды кезең басталды деуге болады. – Қазіргі таңда біз аталмыш бағыт бойынша батыл қадам жасаудамыз. Дәлірек айтқанда, трансформация бағдарламасы туралы түсінік компания құрылымдары арасында берік қалыптасып жатыр. Оның себебі, аталмыш бағдарлама саясаты аясындағы нәтижелі шаралар, жетістіктер осыған ынталандырады. Атап айтсақ, біздің өңірде, яғни, Семей жүк тасымалы бөлімшесі бойынша шығын көлемін азайту, қызмет түрлерін біріктіру сынды бірқатар ілкімді шаралар өндірістік процестерді жақсартып, үнем мен экономикалық тиімділікті жоғарылатуда, – дейді өз пікірінде бөлімше басшысы Марлен Көкірекбаев. Басшылар сөзіне жүгінсек, бұл бағытта жүргізіліп жатқан қызметтік саясатты әлі де болса насихаттау қажет. Себебі, теміржол тасымалы әлеуметтік маңызды сала болғандықтан, трансформация бағдарламасы ең әуелі отандық бизнес өкілдерінің назарын аударып, алаңдатады. Яғни, өңірлер бойынша вагондарды беруге және жинауға, жүктерді жіберуге және тағы басқа шаралар тарапында келісімшарттар жасау және «ҚТЖ» ЖТ» АҚ құрылымын қайта ұйымдастыру барынша ашық түрде жүргізілуі керек көрінеді. Ал, бұл жайт өз кезегінде ұлттық компанияның кәсіпкерлік әлеміндегі әріптестерінің сенімділігін нығайтып, нарықтық қатынастарды нығайта түспек. Демек, бағдарлама есебінен ел игілігі еселене түседі деген сөз.

Трансформация бағдарламасының тиімділіктері

Читайте также

Газета «Қазақстан теміржолшысы», №56 от 05 июля 2024 года