Жаңа станциялардың бүгінгі келбеті

Новости

06.06.2017, 16:14

Жезқазған-Бейнеу аралығында бой көтерген Байқадам мен Бегімбет станциялары бүгінде өсіп-өркендеу үстінде. Өткен демалыс күндері Шалқар ауданына іссапары аясында Ақтөбе облысының әкімі Бердібек Сапарбаев жаңа станцияларда болды. Бүгінде Бегімбет станциясында 30 адам еңбек етеді, ал Байқадамда 40-тан астам теміржолшы бар. Жалпы, жаңа тармақта 500-ге тарта адам жұмысқа тартылған. Алматы – Маңғыстау бағытындағы жолаушылар пойызы күнделікті қатынайды. Аптасына бір рет жұмысшы пойызы және бар. Жол бойындағы жас станциялардағы теміржолшылар жағдайымен танысқан әкім жаңа телім арқылы қанша пойыз жүреді, оның ішінде жолаушы тасымалы қандай бәрін тәптіштей сұрады. Облыс басшысы Шалқар ауданы халқының Түркістанға қатынауы үшін қосымша вагондар ашу жөнінде пікір білдірді. Көптеген тауарға бағасы арзан Түркістан қаласына ақтөбеліктер таңертең барып, кешке кері бағытта қайта мінетіндей жағдай жасалса деген ұсынысын да жеткізді. Облыс әкімінің қасында Ақтөбе жүк тасымалы бөлімшесінің басшысы Мағауия Оразқұлов та болды. Аймақ теміржолы басшысының айтуынша, бүгінде жаңа тармақтағы жол қатынасына сұраныс артып келеді. Жол бойындағы елді мекендердің тұрғындары негізінен аудан орталығы Шалқар қаласына көп қатынайды екен. Алматы мен Маңғыстау арасын жол қылып жатқандар саны бұрыннан көп. Жолаушылардың дені жолда жүру құжатын электронды түрде рәсімдейді. Дегенмен, оларға станцияларда кассалар да қызмет етеді. Алдағы уақытта Бегімбет станциясында теміржол құрылысының екінші сатысы бойынша платформа салынады деп жоспарланған.

Жаңа станциялардың бүгінгі келбеті

Читайте также

Газета «Қазақстан теміржолшысы», №42 от 17 мая 2024 года