Меңлібайдың мәселесі...

Новости

04.07.2017, 10:15

Шымкент – Түлкібас темір жолының ортасындағы жаңадан ашылған Меңлібай станциясынан жүк тасымалдана бастағалы екі жыл өтсе де, ондағы теміржолшыларға қолайлы жағдай жасау мүмкіндігі болмай отыр. Жаңа бекеттен жарты жылда 560 тоннаға жуық 7882 вагон қиыршық тас тиеліп, жоспар орындалып келеді. Станциядағы он үш теміржолшы бөлімшенің штаттық кестесінде. Түлкібастың әр ауылынан немесе Шымкенттен қатынап жұмыс істейтін оларға жұмыс орнына келіп-кетудің өзі оңай болмай отыр. – Бекет маңынан 20-30 метр тереңдікке дейін құдық қазғанмен, тастақ жер болған соң су шықпады. Көлігі барлар ауызсуды бес км қашықтағы Састөбеден ала келеді. Меңлібайға дейінгі көлік жолы нашар. Қар мен жаңбырда езіліп, батпақтанып жатады. Карьерді ашқан кәсіпкерлер Састөбеге дейін екі бағыттық алты км жол мен төрт-бес бөлмеден тұратын ғимарат салып берген. Қазір станция жұмысшыларынан бөлек жолшы, байланысшылар осында қона жатып, еңбек етеді. Ауысыммен еңбек ететіндер де кейде үйіне жете алмаса осы жерде қонып қалады, – дейді бекет бастығы Рысжан Жаманқараев. «Стандарт Цемент» зауытының басшылығы мен теміржолшылар тарабы уақытша келісімшартқа тұрғандықтан, әлі жұмысшыларға арналған ғимаратты салуды қолға алмаған. Яғни, бекет толығымен теміржолға өтпеген. Бірақ кәсіпкердің де қарамағында емес. Ал, станцияда жұмыс қарқыны артып келеді. Күн сайын орта есеппен елу вагон қиыршық тасты екі жылдан бері үздіксіз тиеп, Текесу, Қазығұрт сынды бекеттерден қалыспай келеді. Бірақ, дәрежесі бесінші класты болғасын қатынып жұмыс істейтін теміржолшылардың жалақысы аз. – Сондықтан, арманымыз бекеттің сыныптық дәрежесі жоғарылатылса екен дейміз, сонда жалақы деңгейі сәл де болса көтерілер еді. Сосын, әрі жұмыс кеңсесі, әрі жатақхана болып отырған бір ғимарат тарлық етуде, теміржолшыларға арналған қызметтік үй салынса, – дейді бекет бастығы.

Меңлібайдың мәселесі...

Читайте также

Спецвыпуск газеты «Қазақстан теміржолшысы» от 8 мая 2025 года