ҚазККА мың стаудентпен толықты

Новости

05.09.2017, 12:48

М.Тынышпаев атындағы Қазақ көлік және коммуникациялар академиясындағы биылғы Білім күні «ҚТЖ» ҰК»АҚ вице-президенттері Эрик Имашев пен Нұржан Жапарқұлдың, сондай-ақ, консультациялық кеңес мүшелері Н.Исинғарин, Қ.Сәмбетов, М.Хамзин және М.Тынышпаевтың ұлы Дәулет Шейх-Әлидің қатысуымен ерекшеленді. Биыл мыңға жуық жас еліміздегі он үздік іргелі жоғары оқу орындары қатарынан ойып тұрып орын алатын ҚазККА-сына сенім білдіріп, бірінші курс студенті атанды. Олардың қатарында «Алтын белгі» төсбелгісі иегерлері, оқу озаттары, халықаралық және республикалық олимпиада жеңімпаздары бар. Еліміздің барлық облысынан Көлік академиясына грант бойынша 305 студент түскен. Мерекелік жиында студенттер алдында ҚазККА президент-ректоры Бақытжан Қуанышев сөз сөйлеп, бірінші курс студенттерін және Академия ұжымын Білім, Конституция күндерімен және «Құрбан айт» мерекесімен құттықтап, аталған оқу орнында студенттердің көлік саласына қатысты терең білім алып, толыққанды маман болып шығуларына барлық жағдайдың жасалғанын жеткізді. Білім күнінде жоғары курс студенттері академия табалдырығын алғаш аттаушыларға «Білім кілтін» тапсырып, аспанға түрлі-түсті шарлар ұшырды. Салтанатты жиында «ҚТЖ»ҰК»АҚ басшылығы атынан бірінші курс студентеріне жүрекжарды лебізін білдіріп, оқуда сәттілік тілеген Эрик Имашев, оқу орнының Көлік құрылысы кафедрасының меңгерушісі, т.ғ.к А.Ибраимовқа «Құрметті теміржолшы» белгісін, сонымен қатар бірқатар қызметкерлерге «Адал еңбегі үшін», «Қазақстан Республикасының ғылымын дамытуға сіңірген еңбегі үшін», «Үздік маман» төсбелгілерін табыстап, алғыс хаттармен марапаттады. Ал Академияның президент-ректоры «Мұхамеджан Тынышпаев» медалін Нығметжан және Мәрия Исинғариндерге, Даулет Шейх-Алиге тапсырды. Білім күніне арналған мерекелік жиынға Мұхамеджан Тынышпаевтың ұлы Дәулет Шейх-Әли де құр келмепті. Ол өз құттықтау сөзінен кейін «Алтын белгі» иегерлері мен ҰБТ-да жоғары балл алған 15 студентке өзі авторы болып табылатын, Мұхамеджан Тынышпаев туралы «Естеліктер, құжаттар, суреттер» кітабын тарту етті. Шара соңы Қазақстанның саяси дара тұлғаларының бірі, алғашқы темір жол инженері Мұхамеджан Тынышпаев туралы деректі фильмді көрумен жалғасып, «Қазақстан тарихы және әлеуемттік-гуманннитарлық тәртіп» кафедрасының оқытушысы М.Қанағатов тарапынан Қазақстан Республикасының Конституция күніне арналған шолу лекциясы оқылды. Президент-ректор Бақытжан Қуанышев шара соңында студенттерге білім ордасында берілетін білім-іліммен молынан сусындап, өздері таңдаған мамандықтың білгірі болып шығуларына тілектестігін білдіріп, сәттілік тіледі.

ҚазККА мың стаудентпен толықты

Читайте также

Газета Қазақстан теміржолшысы, №3 от 16 января 2026 года