Жұлдызды қалашық іргесінде

Новости

05.09.2017, 18:13

Төретам - Қызылорда облысының ғарышты қаласы Байқоңырдың іргесіндегі станция. Жұлдызды қалашықтың іргесіндегі станция дәрежесі аралық бекет саналғанмен мұнда да жүк тиеп-түсіру және коммерциялық жұмыстар жасалуда. Мәселен жыл басынан бергі жеті ай ішінде Төретам бекетінен 99 вагонға 1399 тонна жүк тиеп, жұмыс жоспарын 100 пайыз орындап отыр. Тиелген жүктердің қатарында 33 вагонға 349 тонна метиз, 12 вагонға 571 тонналық химиялық сода, 99 тонналық 3 контейнер және 49 вагонға өзге де 309 тонналық құрама жүктер тиелген. Бөлімшеден өткен жолаушылар пойызының дені станцияға аялдайды. Станция іргесіндегі Байқоңыр қаласы мен Ақай ауылын қоса санағанда 100 мыңнан асатын тұрғынның түгел пойызға аяқ артатын орны осы -Төретам станциясы. Станция 1904 жылы салынған, Қызылорда жүк тасымалы бөлімшесінің балансындағы көне ғимаратта орналасқан. Станция басшысы Нұржан Бегежановтың мәліметінше, бүгінде станцияда 42 адам еңбек етуде. Қозғалыс қауіпсіздігі толық қамтамсыз етілген. Пойыздардың станцияға кестемен келіп, уақыты жөнелтілуін мекеменің тәжірибелі диспетчерлері реттеп отыр. Теміржолшылардың еңбекақылары тұрақты, экологиялық, аудандық қосымшалар толық төленеді. -Төретам станциясы бойынша үстіміздегі жылдың өткен жеті айында 99 вагонға 1399 тонна жүк тиеп межені 100 пайызға орындадық. Өткен жылдардың осы мерзімінде жүк тиеу көрсеткіші 69 пайыз шамасында болған болса, биыл ілгерілеу байқалады. Жүк вагондарының статикалық жүктемесі 14,1 сағатқа орындалуда. Бір операциялық құжат рәсімдеу кезіндегі вагонның бос тұруы 49,51 ваг/сағат, вагонды жинау 1,0 ваг/сағ, станцияның жұмыс паркі жеті айда 50 вагон болып белгіленсе, ол көрсеткіш 124 вагонға айналып отыр. Кәсіпкердің қазір жеке тасымал құралдарын пайдалануға ойысуына байланысты, өкінішке орай бүгінде пойызға жүгінетіндердің саны кеміп келеді. Сондықтан, бюіз үшін әр клинет қымбат, олармен жекелей жұмыс жасап теміржол қызметін пайдалануға шақыру жұмыстарын жүргізіп келеміз,-дейді станция бастығы Нұржан Бегежанов. Екінші санаттағы станцияның жұмысына іргелес Байқожа станциясының да өндірістік жұмыстары қосымша жүктелген, алайда қазіргі таңда байқожалықтардың жүк тиіп-түсіру жұмыстары түсіріліп-тиелетін жүктердің болмауына орай атқарылып жатқан жоқ. Ондағы жұмыстар «Батыс Еуропа-Батыс Қытай» автожолының құрылысы кезінде ғана жанданған болатын, қазір құрылыстың аяқталуына орай жұмыстар шектелген.

Жұлдызды қалашық іргесінде

Читайте также