Жолшылар жұмысы жыл он екі ай толастамайды

Новости

24.11.2017, 18:43

Оңтүстіктің жайма шуақ жылы ауа райы жолшыларға жол жөндеу, рельс-шпал ауыстыру сынды жұмыстарды жыл он екі ай жүргізе беруге мүмкіндік береді.Биыл да күздің соңғы айы аяқталуға жақын қалса да Арыс жол дистанциясында қызу жұмыс қарқын алған. Жалпы, Оңтүстіктегі Шымкент және Арыс темір жолдарында биылғы атқарылған жұмыстарға тоқталсақ, он айдағы көрсеткішке сай жолдың сапасы 67 балдық бағамды құраған. 28 км жол қанағаттанарлықсыз деп танылғанмен, өткен жылмен салыстырғанда сапасыз жол 23 км азайған. Ағымдағы жылдың он айында шаруашылық жолмен 2,8 км жол орташа жөндеуден өткен. 4,32 км бойындағы рельс ауыстылырса, 0,897 метр рельс плеттері, 11,539 км бойы ескі болғанмен жарамды рельстерге, 18 бағыттағыш бұрма да ескі болғанмен жарамдыларына алмастырылған. – Екі жол дистанциясының біріне 22, екіншісінде 19 км күрделі жөндеу жүргіземіз.Састөбе – Көктерек, Қызылсай – Сергеевка, Черновод бекетінің төңірегіне, Арыс жол дистанциясы бойынша Ақдала – Қостүйін, Қостүйін – Қарақоңыр, Монтайтас – Шанақ перегондарында шпалдардың бәрі тегіс ауысады, –дейді аталған бөлімше директорының орынбасары Бердібай Сейсенов. Оның айтуынша, биыл күрделі жөндеуге бөлінген қаржы жеткіліксіз болып, материалдар аздау келіп, соған сай жөнделуге тиісті жол бойының да жоспары шағын етіп берілген. Жолшылар 41 шақырымды жөндеу кезінде ол жерлердегі жарамды материалдарды алып,ескірген жолдарға салмақ. Қазір келіп бастаған 77 мың шпал 41 шақырымға жетеді. Бүгінге дейін 1124 данасы келді. Тағы 11 вагоны яғни 2500 данасы жолда келе жатыр. Астанадағы басшылық осы айда 20 мың шпал жіберетінін, қалғанын 25 желтоқсанға дейін жеткізетіндерін айтуда. Демек, оңтүстіктің жайма шуақ ауа райы ыңғай берсе, жұмыс желтоқсанда да жалғасады, жаңа жылға дейін жоспарлап отырған көлемді бітіруге тырысамыз. Сондықтан алдағы күндері 3-4 күн демалмастан жұмыс істейміз. Келесі жылы Арыс жол дистанциясына қарасты Шойтөбе – Түркістан, Ақшоқат – Тимур аралығында 20 шақырым жөндеу жоспарланып отыр, – дейді бөлімше директорының орынбасары. Дистанция жолшылары үшін қажетті жағдайдың бәрі жасалған. Мысалы, жан-жақтағы елді-мекендерден қатынап жұмыс істейтін жолшылар үшін жылжымалы модульді вагондар қойылған. Оларды арасы шалғай бекеттерге немесе адам аяғы аз жерлерге қоюға тырысады екен. Он адамға шақталған, ішінде душтан бастап тоңазытқыш, теледидар, газ плитасына дейін қамтылған осындай вагонның бірі қазір Арыста болса, екіншісі жаңадан салынып жатқан Меңлібай бекетінде, үшіншісі Шеңгелді, төртіншісі Отырабат бекеттерінде сайлаулы тұр екен.

Жолшылар жұмысы жыл он екі ай толастамайды

Читайте также

Газета Қазақстан теміржолшысы, №34-35 от 01 мая 2026 года