Ұмытпаймыз Сізді, аяулы Ұстаз!
Новости
23.01.2018, 12:58
![](https://rail-news.kz/uploads/posts/old/railnews5bc492158215e2.69554003.jpg)
Ағымдағы жылдың 16 қаңтар күні біздің ұстазымыз – М. Тынышпаев атындағы Қазақ көлік және коммуникациялар академиясының «Жаратылыстану – ғылыми пәндер» кафедрасының профессоры Сәтбай Жұмағалиұлы мезгілсіз көз жұмды. Саналы өмірін мағыналы да мазмұнды ұстаздық қызметке арнаған жанның енді қайтып аудиторияда қоңыр үнін естімейтінімізге, біздің әрбір сәтті қадамымызға балаша қуанатын бейнесін көрмейтінімізге көңіл сенер емес ...
Физика-математика ғылымдарының докторы, профессор, ұлағатты ұстаз Қабақбаев Сәтбай Жұмағалиұлы 1954 жылдың 5 мамыр күні Ақтөбе облысы, Шалқар ауданы, Көкжиде ауылында дүниеге келген. Шалқар қаласындағы №2 орта мектепті «Алтын медальмен» бітіріп, Қазақ ұлттық университетінің «Механика-математика» факультетіне түскен ауыл баласының қаншалықты білімді де зерек болғанын сезінуге болады. 1978 жылы «Математик, математика пәнінің мұғалімі» біліктілігін бойынша диплом алғаннан кейінгі өмір жолы білім мен ғылым саласымен тығыз байланысты.
1978 – 1986 жылдары жаңадан құрылған Алматы теміржол инженерлер институтының (АлТЖИИ) Ақтөбе бөлімшесінде кафедра әдіскері, зертханашы қызметтерінде болып, ұстаздық еңбек жолын бастаған Сәтбай Жұмағалиұлы – 1986-1992 жылдары Мәскеу теміржол инженерлер институтында тәжірибелік тағылымдамадан өтіп, сол жоғарғы оқу орнының аспирантурасында оқып білімін жетілдірген.
1992 жылы Мәскеу қаласында кандидаттық диссертациясын қорғап, физика-математика ғылымдарының кандидаты ғылыми атағын алса, 2000 жылы осы салада көлемді еңбек жазып, физика-математика ғылымдарының докторы атағына ие болды. Мәскеуден елге оралған соң 1992-1998 жылдары АлТЖИИ Ақтөбе бөлімшесінде кафедра меңгерушісі, доцент қызметтерін атқарды.
1995 жылы Ақтөбе қалалық мәслихат депутаты қызметіне сайланып, қоғамдық жұмыстарға белсене араласса, 1998 – 2003 жылдары ұстаздық қызметіне қайта оралып, АлТЖИИ Ақтөбе бөлімшесінің директоры, Орталық Азия Университеті батыс аймағының ректоры, 2003-2007 жылдары М. Тынышпаев атындағы ҚазККА Ақтөбе бөлімшесінде «Жаратылыстану – ғылыми пәндер» кафедрасының меңгерушісі қызметтерін атқарды.
2007-2009 жылдары А.Жұбанов атындағы Ақтөбе мемлекеттік университетінде әртүрлі қызметтер атқарып, 2008-2012 жылдары ҚР БжҒМ ҰБТ бойынша аймақтарда жұмыс жасап, министрлік тарапынан түрлі марапаттарған ие болды. Ұлағатты ұстаз «Математика 1», «Математика 2», «Математикалық статистика», т.б. пәндерін өте жоғары әдістемелік деңгейде жүргізіп, студенттердің арасында беделі жоғары және сыйлы болды.
Өз өмірінде елуден астам ғылыми-әдістемелік оқулықтар жазып, жүздеген шәкірттерін ЖОО арасындағы республикалық пәндік олимпиадаға дайындаған, өз пәніне қатысты оқулықтарды шет тілдерінен аударып, студенттердің сапалы білім алуына барын салатын ұлағатты ұстаздың кереметтей еңбекқорлығы мен адалдығы баршаға үлгі еді.
2013 жылдың қыркүйегінен бастап соңғы демі үзілгенше «М. Тынышпаев атындағы Қазақ көлік және коммуникациялар академиясы» акционерлік қоғамы «Жаратылыстану – ғылыми пәндер» кафедрасының профессоры, кафедра меңгерушісі болған, жалпы 43 жылдық жұмыс өтілінің 38 жылын ұстаздыққа арнап, мыңдаған шәкіртті тәрбиелеп, маман даярлаған ұлағатты ұстаз Сәтбай Жұмағалиұлының шәкірттері бүгінде жүздеп емес, мыңдап саналады. «Өлді деуге бола ма айтыңдаршы, өлмейтұғын артында із қалдырған», деген тәмсіл сөздің құдіреті осы. Біз Сізді мәңгі ұмытпаймыз, мың алғыс сізге аяулы ұстаз...
Шәкірттері атынан
ҚазККА Тәрбие жұмысы
және қоғаммен байланыс бөлімінің
жетекші маманы Ақылбек Сарсенбаев
Новости / Архив
30.08.2024
Газета «Қазақстан теміржолшысы», №74 от 30 августа 2024 года
Новости
29.08.2024
Корреспондент «Қазақстан теміржолшысы» стала победителем конкурса журналистов Industry Power
Регионы
29.08.2024
Железнодорожники и грузоотправители Абайской области обсудили актуальные вопросы перевозок
Новости
29.08.2024
Более 1 700 грузовых поездов проследовали в направлении «Китай — Европа»
Новости
29.08.2024
Кедентранссервис участвует в реализации строительства интермодального терминала в порту Алят
Новости
29.08.2024
Капсулу локомотивосборочного завода заложили в Атбасаре
Регионы
29.08.2024
Руководство КТЖ провело встречу с грузоотправителями Павлодарского региона
Новости
28.08.2024
Борьбу с коррупцией на железнодорожном транспорте обсудили в Уральске
Регионы
28.08.2024
Более 20 раз пришлось экстренно тормозить машинистам поездов в Костанайской области
Новости
28.08.2024
Умению вести переговоры в трудовых спорах научили сотрудников Акмолинского филиала ОО «Казпрофтранс»
Регионы
28.08.2024
Железнодорожникам напомнили об опасности пропагандирующих экстремизм сайтов в Караганде
Новости
28.08.2024
Молодые полицейские посетили центральный музей истории железной дороги
Грузовые перевозки
27.08.2024
Куда идет казахстанское зерно? В КТЖ назвали основные направления для экспорта
Регионы
27.08.2024
Итоги ревизорской проверки железнодорожных предприятий подвели в Алматинском регионе
Грузовые перевозки
27.08.2024
Казахстанским грузоотправителям презентовали возможности модернизированного маршрута Баку – Тбилиси – Карс
Грузовые перевозки
27.08.2024
Дорожную карту по перевозкам угля реализует КТЖ
Грузовые перевозки
27.08.2024
О готовности к перевозкам зерна нового урожая рассказали в КТЖ
Новости
27.08.2024
О проведенной работе по развитию Среднего коридора сообщили в правительстве Казахстана
Новости / Архив
27.08.2024
Газета «Қазақстан теміржолшысы», №73 от 27 августа 2024 года
Новости
26.08.2024
Школа развития «Білім экспрессі» побывала на станциях Железорудная и Боровое