Апат айтып келмейді...
Новости
19.06.2018, 13:47
![](https://rail-news.kz/uploads/posts/old/railnews5bc4970d1c49d1.65792944.jpg)
Жексенбі, яғни 17 маусым күні сағат 13.25-тер шамасында, Жамбыл жол бөлімшесіне қарасты «Шығанақ-Шу» учаскесінің «Жиделі-Бірлік1» телімінде жолаушылар тасымалдайтын Астана-Алматы бағытындағы №9 «Бәйтерек» пойызының 8 вагоны рельстен шығып кетті.
Жолаушылар пойызының №0014 электровозын машинист Александр Метанников тізгіндеген екен. Оқиға орнында біз де болып, мән-жайды көзбен көріп, анық ақпарат алуға тырыстық.
Пойыз құрамында 18 вагон, оларда 832 жолаушы болған екен. Ал құлаған үш вагонда барлығы 152 жолаушы болған. Апатқа ұшыраған пойыздың жолаушылары жедел түрде бір сағаттан соң келген «Көкшетау-Қызылорда» бағытындағы жолаушылар пойызына және аудан әкімдігі тарапынан ұйымдастырылған көліктерге отырғызылып, Шу станциясына жеткізілген.
Айта кету керек, апат пойыздар қозғалысына еш кедергі келтірмеген. Өйткені, өткен жылы желтоқсан айында толық іске қосылған Шу-Алматы-1 бағытындағы теміржолдың екінші жолы арқылы жүк және жолаушы құрамалары кедергісіз қатынап жатты.
Жамбыл облысы әкімі Асқар Мырзахметовтің тікелей тапсырмасымен жедел оқиға салдарын анықтау, зардап шеккендерге көмек беру үшін штаб құрылып, оның төрағасы, облыс әкімінің бірінші орынбасары Бекболат Орынбеков сол сағатта тікұшақпен оқиға орнына келіп жеткен екен. Сондай-ақ, оқиға орнына облыстық төтенше жағдайлар қызметінің өкілдері, теміржолшылар, Шу ауданы әкімдігінің өкілдері, жедел жәрдем қызметі санаулы уақытта жеткен.
Оқиға салдарынан 2006 жылы туған жасөспірім қайтыс болса, 14 жолаушы медициналық көмекке жүгінген. Ол азаматтар жедел жәрдеммен Шу аудандық ауруханасы мен Шу қалалық ауруханасына жеткізілген. Бүгінгі күні 13 азамат денсаулықтары жақсы болғаннан кейін діттеген жерлеріне аттанып кетіпті. Ал Астана қаласының 48 жасар тұрғынына кеше таңертең ота жасалды. Ал машинист Шу желілік ішкі істер бөлімінде оқиғаға байланысты жауап беріп, тергеу амалдарымен тексерілуде.
Мәселенің мән-жайын анықтау үшін Астанада жасақталған арнайы комиссия бүгін таңертең оқиға орнына жетіп, жұмыс жасап жатыр. Ал телім бойында үш жүзге жуық теміржолшы қалпына келтіру жұмыстарын жүргізуді қолға алған. Теміржолдың апаттық жағдайда іске қосылатын қалпына келтіру пойыздар да осында. Біз мұнда бірқатар оқиға куәгерлерін және қалпына келтіру шараларының басы-қасында жүрген азаматтармен тілдескен едік.
– Жексенбі күні Жиделі-Шу телімінде тақ бағытында келе жатқан Астана-Алматы бағытындағы жолаушылар пойызы Шу станциясына 20 км жетпей апатқа ұшырады. Оқиға 1500 км, 4,3 пикетте орын алды. Өзіңіз көргендей, апат орнында екі вагон жамбасына құлап, үшінші вагон автосцепка ұстап қалған. Барлығы үш вагон рельстен шығып кетті. Оқиға 12.26-да орын алды. Жедел диспетчерге хабар жеткен соң, қалпына келтіру пойызын көтеріп, барлық жауапты сала өкілдері осында жеттік. Бірінші кезекте адамдарды вагондардан шығарып, алғашқы медициналық көмек көрсету жұмыстары жүрді. Екі жолаушы жедел ауруханаға жөнелтілді. Риза болғаным, халық артық байбалам, үрейге бой алдырмады, бір-біріне көмектесіп, жұмыла қимылдады. Оқиғадан кейін араға бір сағат салып №56 «Көкшетау-Қызылорда» жолаушылар пойызы келді. Автокөліктерден бөлек ол пойызға да жолаушыларды отырғызып, Шуға жеткіздік. Әрине, жұмыстың барлығы «Жолаушылар тасымалы» АҚ басшылығымен келісіліп жүргізілді. Апатқа ұшыраған пойыздың басындағы сау жеті вагонды электровозға тіркеуіміз керек болды. Ал Шу вокзалында жолаушыларды ыстық тамақпен, жатын орынмен қамтамасыз ету ұйымдастырылды. Бағыттары бойынша жолынан қалмауға тырысқан жолаушыларды автокөліктер мен өткінші пойыздарға орналастырдық, Кешкі сағат алтыға дейін жолынан қалған бірде-бір жолаушы қалмады. Барлығын түгел аттандырдық, – дейді ЖТ-Жамбыл жол бөлімшесі директорының Шу аймағы бойынша орынбасары Серік Каликов.
Бір айта кетерлігі, құлаған вагонның бірінде Астана қаласында демалып келе жатқан жиырма шақты оқушы болған екен. Қаскелеңдік бұл оқушылардың барлығы аман-есен. Олардың қауіпсіздігін штаб төрағасы өзі қадағалап, жедел үш көлік дайындалып, жергілікті полиция жасағының сүйемелдеуімен балаларды Қаскелеңге жеткізген.
Оқиға орында болған «Жолаушылар тасымалы» АҚ президентінің даму бойынша вице-президенті Данияр Нұрмағамбетов те алдымен жолаушылардың қауіпсіздігі ескерілгендігін жеткізді. «Пойызда барлығы 832 жолаушы болған. Алдымен 200 жолаушы Шу станциясына жеткізілді. Олар өздерінің қолындағы билеті бойынша Шу вокзалына дейін келуі керек болатын. Ал 488 жолаушы Алматыға жеткізілді. «Жолаушылар тасымалы» АҚ тарапынан арнайы штаб жұмыс жасап тұр», – деді ол.
– Оқиға орын алғаннан кейін жедел сыртқа шығып, барлық жолсеріктермен байланысқа шығып, халықты тыныштандырып, ең алдымен құлаған вагондардың жолаушыларына көмектесуге ұмтылдық. Кейбіреулеріне психологиялық , біреулеріне алғашқы медициналық көмек көрсеттік. Сол арада төтенше жағдай қызметі, теміржолшылар, жедел жәрдем, жергілікті билік өкілдері келіп жетті.
Менің өмірлік тәжірибемде талай жағдай болған. Дегенмен, мен машинистің пойызды жедел тоқтату шеберлігіне риза болдым. Әйтпесе, шығын бұдан да көп болуы мүмкін еді, оны да ескерген дұрыс болар, – дейді №10 «Астана-Алматы» бағытындағы «Бәйтерек» жолаушылар пойызының бригадирі Айман Қойшыбаева.
Сондай-ақ, біз оқиғада ауыр дене жарақатын алған Астана қаласының 48 жасар тұрғыны Әліби Байжановтың жағдайын сұрап, Шу қалалық ауруханасына бас сұқтық. Екі аяғы сынған науқасқа таңертең ота жасалады екен. Оқиғаның мән-жайын сұрағанымызда пойыз жедел тоқтағанда вагон ішінде қарбалас болып, құлағанда есін жоғалтқан екен. Қазір жағдайы жақсы, дәрігерлердің қарауында. Теміржолшылар компаниясы жағдайын біліп отыр екен. Ал Шу қалалық ауруханасының травматолог-дәрігері Александр Новиковтің айтуынша, оқиғадан жарақат алып, дәрігерлерге келген жандарға түгел көмек көрсетіліпті.
Ерман Әбдиев, Шу
Спорт
01.09.2024
Сборная команда ҚТЖ стала чемпионом Казахстана по мини-футболу турнира «Qyzmet cup»
Новости / Архив
30.08.2024
Газета «Қазақстан теміржолшысы», №74 от 30 августа 2024 года
Новости
29.08.2024
Корреспондент «Қазақстан теміржолшысы» стала победителем конкурса журналистов Industry Power
Регионы
29.08.2024
Железнодорожники и грузоотправители Абайской области обсудили актуальные вопросы перевозок
Новости
29.08.2024
Более 1 700 грузовых поездов проследовали в направлении «Китай — Европа»
Новости
29.08.2024
Кедентранссервис участвует в реализации строительства интермодального терминала в порту Алят
Новости
29.08.2024
Капсулу локомотивосборочного завода заложили в Атбасаре
Регионы
29.08.2024
Руководство КТЖ провело встречу с грузоотправителями Павлодарского региона
Новости
28.08.2024
Борьбу с коррупцией на железнодорожном транспорте обсудили в Уральске
Регионы
28.08.2024
Более 20 раз пришлось экстренно тормозить машинистам поездов в Костанайской области
Новости
28.08.2024
Умению вести переговоры в трудовых спорах научили сотрудников Акмолинского филиала ОО «Казпрофтранс»
Регионы
28.08.2024
Железнодорожникам напомнили об опасности пропагандирующих экстремизм сайтов в Караганде
Новости
28.08.2024
Молодые полицейские посетили центральный музей истории железной дороги
Грузовые перевозки
27.08.2024
Куда идет казахстанское зерно? В КТЖ назвали основные направления для экспорта
Регионы
27.08.2024
Итоги ревизорской проверки железнодорожных предприятий подвели в Алматинском регионе
Грузовые перевозки
27.08.2024
Казахстанским грузоотправителям презентовали возможности модернизированного маршрута Баку – Тбилиси – Карс
Грузовые перевозки
27.08.2024
Дорожную карту по перевозкам угля реализует КТЖ
Грузовые перевозки
27.08.2024
О готовности к перевозкам зерна нового урожая рассказали в КТЖ
Новости
27.08.2024
О проведенной работе по развитию Среднего коридора сообщили в правительстве Казахстана
Новости / Архив
27.08.2024
Газета «Қазақстан теміржолшысы», №73 от 27 августа 2024 года