Біздің «Эволюшн» көш бастады

Новости

02.09.2016, 11:27

Жақында Тәжікстанда ел тәуелсіздігінің 25 жылдығы құрметіне Душанбе – Қорғантөбе – Куляб бағдары бойынша бас қаланы республиканың оңтүстігімен байланыстыратын жаңа темір жол желісі пайдалануға берілді. Жаңа жолдың ашылу салтанатынан кейін жаңа жолмен жүріп өткен алғашқы пойызға «Қазақстанда жасалған» маркасымен Астанадағы Локомотив құрастыру зауытынан шыққан ТЭ33 сериясындағы №0300 тепловозы тартымдық қызмет көрсетіпті. Еске сала кетсек, биылғы жылдың басында «ҚТЖ» ҰК» АҚ мен «Рохи охани Точикистон» МУК басшылары кездесіп, келіссөздер жүргізіп, осы жылдың ішінде Тәжікстан темір жолдарына ЛҚЗ өнімдері – Эволюшн сериясындағы тағы да екі тепловоз жөнелтілетін болды. Жалпы, екі ел темір жол әкімшіліктерінің арасында серіктестік көкжиегіндегі ынтымақтастықтың орнағанына биыл бес жыл. Алғаш рет 2011 жылдың қарашасында «ЛҚЗ» АҚ мен «Рохи охани Точикистон» МУК арасында ТЭЗЗ сериясындағы 6 тепловозды тәжік еліне жеткізу туралы келісімшартқа қол қойылып, арада үш ай өткенде 2012 жылдың ақпанында «КазЭкспортГарант» экспортты-кредиттік сақтандыру корпорациясының қаржыландыруымен қазақ елінен екі тепловоздан тұратын локомотивтердің бірінші партиясы жөнелтілген болатын. Сол уақыттан бері жылжымалы құрамдарға тартымдық қызмет көрсетіп келе жатқан қазақстандық тепловоздар бұрынғы сериядағы локомотивтерге қарағанда, көп артықшылығымен ерекшеленіп, техникалық және экономикалық жағынан да тиімді екенін дәлелдеп бергенін тәжік теміржолшыларының өздері айтқан болатын. Демек, қазақстандық өнім көрші тәжік еліндегі №1-ші локомотив болып отыр.

Біздің «Эволюшн» көш бастады

Читайте также

Газета Қазақстан теміржолшысы, №52 от 10 июля 2026 года