Өз күштерімен ғимаратты жөндеді

Новости

23.09.2016, 16:00

2 мин чтения

Арыс белгі беру және байланыс дистанциясына қарасты Сарыағаш электрлік орталықтандыру қосыны Сарыағаш, Жылға және Дарбаза станцияларының арасындағы СОБ құрылғыларының қауіпсіздігін қамтамасыз етеді. СОБ монтерлері мен механиктері үнемі жұмыс үстелінде технологиялық процестің кестесіне сай, кезең-кезеңге бөлінген жоспарлы тапсырманы атқарады. – Осы жазда бағдаршамдардың уақытылы жанып тұруын қадағалайтын КПТШ құрылғысын заманауи ТМ кодтық жүйесіне (Трансмиттерлі модернизация) ауыстырдық. Соңғы үлгідегі ТМ-нің 22 данасының ішінде транзистор, диод сынды механизмдер аз болады. Әрі осы орнатылғаннан кейін қызмет көрсету мерзімі 10 жылға жетпек. Ал бұрынғысын жыл сайын ашып тексеретінбіз. Егер жаңасы бұзылғандай болса, апатты жағдайда керекті бір-екі данасы қоймада сақтаулы. Құрылғыны шығарған кәсіпорын бір жылға дейін тегін жөндеп береді. Жылдан асқан соң өзіміздің бақылап, өлшеу қосынында (КИП) қалпына келтіре береміз, – дейді аға механик Нұрбол Түймебеков. Жалпы, аталған телімдегі релелік шкафтар, кабельдік жүйе барлығы 2011 жылдан бері түскен материалдарға орай ауыстырылып отырған. Жаз бойы қыстың қамын ойлаған байланыс мамандары муфтлерді ашып, ішіндегі кабельдерін қайта ретке келтірген. Оған қоса муфт айналасына су жиналмас үшін, суағар жасаған. Жолдағы қорапшалардың ескірген бөлшектерін ретке келтірген. Енді күзгі комиссиялық тексеруге дайындық жүргізуде. Трансформаторлы жәшіктер мен белгі беру және байланыс нүктелерін қайта тексеруден өткізіп, қыс бойы ақаусыз жұмыс істеуін қамтамасыз етпек. Айтпақшы, осы телімдегі алты механик және екі монтер бар, ғимаратта отыратын өзге де әріптестерімен бірігіп, қол күштерімен отырған ғимараттарын толықтай күрделі жөндеуден өткізіпті. Арасында керекті материал жағынан Арыстағы басшылық та жәрдем беріп тұрыпты. Мұның өзі сарыағаштықтар үшін бұл жаздағы үлкен жетістік болып отыр.

Өз күштерімен ғимаратты жөндеді

Читайте также

Сейчас читают