Мерекеде мерейі өскендер

Новости

20.12.2016, 11:13

Ел Тәуелсіздігінің 25 жылдығына орай Жамбыл жол бөлімшесінде өткен салтанатты жиында өтіп, онда бірқатар үздік сала мамандары марапатталды. Алдымен әулиеаталық теміржолшыларды мерейлі мерекемен құттықтаған ЖТ-Жамбыл жол бөлімшесі директорының бірінші орынбасары Үмітбек Рысбеков соңғы жылдары саладағы тың серпінді тілге тиек етті. Сондай-ақ ел экономикасының өркендеуіне үлес қосып отырған жамбылдық теміржолшылардың әлеуеті зор екендігіне тоқталды. Бұдан кейін сахна төріне бөлімше ардагерлері кеңесінің төрағасы Сағымбек Ақшалов бастаған сала ардагерлері көтеріліп, майталман теміржолшыларға Тәуелсіздіктің құрдастары естелік сый табыс етті. Қазақстандық салалық теміржол, автомобиль, әуе және су көлігі қызметкерлерінің кәсіби одағы» қоғамдық бірлестігі Жамбыл филиалының төрағасы Жұман Сәменов «Қазақстан Республикасының Тәуелсіздігіне 25 жыл» мерекелік медалін Сағымбек Ақшаловтың кеудесіне қадап, өз тілегін жеткізді. Сондай-ақ шарада ЖТ-Жамбыл жол бөлімшесінің директоры Берік Ақшалов пен Жамбыл магистральді желі бөлімшесінің директоры Қайрат Сазаев та өз құттықтауларын жеткізді. Бұдан соң теміржолшыларды марапаттау рәсімі басталып, Аса станциясының кезекшісі Татьяна Ковалева «Адал еңбегі үшін» төсбелгісіне ие болса, Жамбыл бөлімшесі жедел басқару бөлімінің бөлімше бойынша кезекшісі Бекасыл Бекботаев, Луговой рельс дәнекерлеу кәсіпорнының рельс дәнекерлеу цехының шебері Меркібек Ақылов «ҚТЖ» ЖТ» АҚ президентінің Құрмет грамотасымен, Жамбыл локомотив пайдалану депосының тепловоз машинисі Иван Донский Алғыс хатпен марапатталды. Ал «2016 жылдық жас машинисі» аталымы бойынша Жамбыл локомотив пайдалану депосының машинисі Дмитрий Свитч ұлттық компания президентінің ІІІ дәрежелі дипломымен марапатталды. Салтанатты жиынның көрігін облыстық филармония ұжымының өнерпаздары қыздырды.

Мерекеде мерейі өскендер

Читайте также

Газета Қазақстан теміржолшысы, №46 от 16 июня 2026 года