Жаңа жылға – жаңа стандартпен

Новости

10.01.2017, 11:52

Биыл ел темір жолы арқылы жолаушылайтын азаматтар үшін пойыздарда көптеген жағымды жаңалықтар болғалы тұр. Бұл туралы өткен жылдың соңғы күндері «Жолаушылар тасымалы» АҚ президенті Нұрдәулет Қилыбай баяндаған еді. Оның айтуынша, «ҚТЖ» ҰК» АҚ президенті Қанат Алпысбаевтың тапсырмасымен қоғамда қызмет көрсетудің жаңа стандарттары жасалған. Жаңа стандартқа жолаушылар тасымалын ұйымдастыру сапасын жақсартуға бағытталған бірқатар жаңа қосымшалар енгізілген. Бұл стандарт сервистік қызмет көрсету сапасын қамтамасыз ететін 6 негізгі процестен тұрады: жолаушыларды ақпараттандыру, билет сату, вагондардың санитарлық-техникалық жағдайы, пойыздарды жабдықтау, қызмет көрсету персоналы, сервистік қызметтер. –Клиенттермен қарым-қатынас жасаудың және кері байланыс орнатудың бұрыннан бар сызбасы жеткілікті дәрежеде жетілдірілмеген. Онда қарым-қатынас тәсілдері бытыраңқы, бірыңғай бақылау жоқ, азаматтардың хабарласуын есепке алу жүргізілмейді. «Транстелеком» АҚ-мен бірге 105 Қызметі модельдерін өзгерту мәселесі қаралып жатыр. Қалалық және ұялы байланыс арқылы азаматтардың өтініш-шағымдарын қабылдау қызметін, сонымен бірге қабылданған азаматтар хабарламаларын қоғамға жолдауды ақысыз түрде жасау ұсынылды, – деді Н. Игілікұлы. Қоғам тарапынан жекелеген қызметкерлер есебінен, мысалы бухгалтерия қызметкерлерінен билеттер мен ақшалай қайтару бойынша, ИТ қызметінен сату каналдарының қабілеттілігі бойынша, жедел қызмет жөніндегі эксплуатациялық блоктан вагондардың санитарлық-техникалық жағдайы мен пойыздардың кешіктірілуі мәселелері бойынша, сервистік блоктан сервистік персонал, вагондарды жабдықтау және сервистік қызмет бойынша Сапа қызметін құру ұсынылып отыр. Клиенттер үшін 105 қызметіне қоңырау шалу, WhatsApp бірыңғай номерге СМС жіберу (бұл тәжірибеде бар), KTJPortal мобильді қосымшасы арқылы сұрақ/жауап ұйымдастыру сынды нақты жүгіну каналдары ұйымдастырылатын болады. Азаматтардың хабарласу каналдары туралы ақпарат барлық вагондарда болады. Соған қоса Сапа қызметі KTJPortal ұялы байланыс қосымшасы арқылы RealTime режимінде клиенттер үшін 30 минуттан көп уақытқа кешіктірілетін пойыздар туралы барлық ақпаратты салып отырмақ. Бұл қызмет еуропалық елдерде тәжірибеден өтуде. Жаңа стандартта вагондардың санитарлық-техникалық жағдайына қатысты төмендегідей қосымша талаптар қарастырылған: жуу-тазалау жұмысының жиілігін арттыру( тәулігіне әрбір 4-7 сағат сайын 2 реттен көп жуып-тазалау) және вагондарды залалсыздандыруды күшейту (ай сайын әр кез жолға шығар алдында бірнеше рет залалсыздандыру жұмыстарын жүргізу). Сонымен қатар сапаны бақылауда көшбасшы болып саналатын BureauVeritas компаниясымен ықтимал ынтымақтастық пен тәжірибе алмасу бойынша келіссөздер жүргізілді. Желтоқсан айында жаңа стандарт негізінде бірыңғай клинингтік компаниядан вагондарды жуу-тазалау және залалсыздандыру бойынша қызметтерді сатып алуға техникалық міндеттерді анықтау жоспарланды. Жаңа стандартта пойыздарды жабдықтау жөнінен пойыздар санаты мен вагондар класына қарай төсек-орын жабдықтарын саралау қарастырылған. Мәселен, «Тұлпар-Тальго» пойыздарының «Гранд» и «Бизнес» класына жататын вагондарына және стандартты пойыздардың «СВ» класына жататын вагондарына құрамында мақтасы 80 пайыздан кем емес сәтеннен тігілген жабдық ұсынылмақ, ал класы төмен вагондарда мақтасының құрамы 35 пайызды құрайтын бөзден тігілген жабдықтар пайдаланылмақ. 2017 жылдың қаңтарында Астана мен Алматы қалаларында Hohenstein зертханасының көшбасшы сарапшыларымен бірге кір жуатын комбинаттар аудиті жоспарланған. Аудит нәтижесінде «жабдықтау» процесі бойынша жаңа стандарт жасалып, ол бірыңғай стандартқа қосымша болып енгізілмек. Сервистік персоналды қайта бағыттау мен жеке бас қасиеттері, біліктілігін арттыру мақсатында, сонымен бірге оқыту шараларына шығындар портфелін оңтайландыру үшін жеке Мінсіз сервис мектебін ашу ұсынылды. Оқытудың 7 негізгі бағыты анықталып отыр. «ЭЙР Астана» АҚ мен ынтымақтастық меморандумы аясында «Тұлпар-Тальго» пойызы бастықтарының құзыреттілігін бағалау жүргізілді, Мінсіз сервис мектебі менеджер-жаттықтырушыларын оқытудың жоспары жасалды. Қоғамда бүгінде барлығы 6 672 пойыз бригадасы бар, оның ішінде 256 адам пойыз бастықтары. Қоғам 2017 жылы пойыз бригадаларын саралау және ынталандыру жүйесін енгізу мүмкіндіктерін қарастыруды жоспарлауда. Пойыздарда тамақтандыруды ұйымдастыру сапасын жақсарту мақсатында бірыңғай тамақ мәзірі, сервис интерьері және таңбалануы бар бірыңғай оператор тарту концепциясы қабылданды. Стандарт балалар және диеталық тамақ мәзірімен, қызметкерлердің ағылшын тілін Elementary деңгейінен төмен білмеуі талаптарымен толықтырылды. Ұшақтардағы борттық тамақтану тәртібі негізінде тағам қауіпсіздігімен қамтамасыз ету мақсатында ендігі жерде тамақтар пойызда дайындалмайтын болады. Оған қоса стандартта билеттерді интернет-портал арқылы сатып алушылар үшін тамақ мәзіріне алдын ала тапсырыс беру мүмкіндігін ашу қарастырылуда.

Жаңа жылға – жаңа стандартпен

Читайте также

Газета Қазақстан теміржолшысы, №33 от 29 апреля 2025 года