Тәулігіне екі жарым мың вагон келеді

Новости

17.01.2017, 17:45

Жеті паркі бар Арыс станциясына өткен жылы күн сайын Шымкент, Сарыағаш, Түркістан бағытынан келген 2489 вагон сұрыпталған. Бір жылда аталған бекетте 4686 вагон айналымда болса, оның ішінде өңделген транзитті вагондар 2194 вагонға жеткен. 43 жүк пойызы келіп, 44 жөнелтіліпті. Статистикалық жүктеме 103 пайызға жүзеге асыпты. Бір жыл ішінде ұзындығы мен салмағы үлкен 43 пойыз өткен. Станция бастығының орынбасары Мейірбек Мырзахметовтың айтуынша, Арысқа келген пойыздар уақытылы қабылданғанмен, Өзбекстанға баратындар бірден жөнеліп кетпейді. Себебі, қыс басталғалы Шымкент жол бөлімшесінің аумағы бойынша бес мыңға жуық тастанды пойыздар тұр. – Арыста пойыздар Шымкент, Қарағанды, Шу, Қандыағашпен қатар Өзбекстанның Худжанд, Галаба, Хаваст қалаларына тікелей сұрыпталады. Желтоқсан айында Ташкентке бізден тәулігіне 6-8 пойыз кетіп жатты. Әсіресе, күздегі астықтың уақытында ұзынқұрамды ауыр салмақты пойыздар жинақталатындықтан, пойыздар тұрып қалады. Өйткені, өзбектердің жолдары тек 57 метрге дейін есептелген. Артық алып кетейін десе жолаушылар пойыздары айналып өте алмайды. Сондықтан оларға жөнелтетін пойыздың ұзындығы осы шамада болу керек. Одан асатын болса, бұйрықпен жіберіледі. Сол себептен өзбектер бізден үш пойыз алып, үш жолымызды босатқанмен, төрт пойыз әкеліп төрт жолымызды ұстап қалады. Егер төрт пойыз алып, орнына осыншасын әкелсе жолдарымыз бос болатын еді. Мәселе олардың локомотивтерінің вагондарды аз тартуында емес, талаптарында болып отыр, – дейді станция бастығының орынбасары Мейірбек Әділбекұлы.

Тәулігіне екі жарым мың вагон келеді

Читайте также

Газета Қазақстан теміржолшысы, №29 от 18 апреля 2025 года