Ақаусыз жұмыс жасады

Регионы

14.04.2017, 14:45

Теміржол бойында қозғалыс қауіпсіздігін сақтауды басты назарға алған қызылордалық теміржолшылар наурыз айын да өндірісте төтенше ақау-апатқа жол бермей, жемісті қорытындылады. «Қызылорда жүк тасымалы» бөлімшесі бас ревизоры Бостанбек Нұрымбетовтың мәліметіне сүйенсек, өткен жылдың үш айында пойыздық және маневрлік жұмыстар барысында бір ақау тіркелген болса, биылғы үш ай ішінде бөлімше есебіне осы жұмыстарды атқару кезінде ақау тіркелмеген. –Бөлімшесі бойынша наурыз айында пойыздық және маневрлік жұмыс барысында ақау тіркелген жоқ. 2016 жылдың наурыз айында жұмыстағы қиыншылық туғызған 2 жағдай орын алса, биылғы наурызда мұндай жағдай тіркелген жоқ. Өткен жылдың сәйкес мерзімінде өзге де қауіпсіздікті бұзушылық оқиғасы бір мәрте есепке жазылса, ағымдағы жылдың наурыз айында орын алған жоқ. Жалпы алғанда наурыз айы тосын оқиғасыз өтіп, жұмыс та нәтижелі болды, – дейді бөлімшенің бас ревизоры. Аймақтағы Сексеуіл – Қоскөл бағытындағы жаңа телімнің бойында иесіз малдың рельс жағалай жайылуы қозғалыс қауіпсіздігін сақтауда кемшіліктердің орын алуына жол беруде. Жылдың алғашқы тоқсанында тосын оқиғасыз өткізген бөлімше теміржолшыларының есебіне 1 мәрте жұмыстағы қиыншылық (өткен жылы 2 рет) жағдайы тіркелген. Бұл ақпан айында тіркелген екен. Ал өзге де қауіпсіздікті бұзушылық оқиғасы өткен жылы 1 рет тіркелсе, биылғы үш айда да 1 мәрте орын алып отыр. Яғни биылғы жылдың алғашқы тоқсанында қозғалыс қауіпсіздігін бұзудың екі жағдайы тіркелген. Бостанбек Алдабергенұлының мәлімдеуінше, жылжымалы құрамдардың қауіпсіз қозғалысын сақтау үшін барлық шаралар күшейтуге бағытталып, назарға алынуда. Және де жол бойын тексеру барысында да назарға ілінген кемшіліктерге бей-жай қарауға болмайтындығы дер кезінде ескертіліп, техникалық пысықтау жұмыстары жүргізілуде. Пойыздар қозғалысының қауіпсіздігін сақтауды арттыру үшін сала шаруашылықтарын кезектен тыс, тосын тексеру ұйымдастырылып, жылжымалы құрамның қауіпсіз қозғалысын сақтау, теміржолшы мен техниканың амандығын талап ететін ережелердің, қағидалардың орындалуын қадағалау шаралары алынуда. Сала мамандары құзырлы орган өкілдерімен бірлескен рейд өткізіп, жергілікті тұрғындарға теміржолдың қауіпті аймақ екендігін, малды қараусыз жіберуге болмайтындығын түсіндіріп, насихат жұмыстары тұрақты жүргізілгенімен, иесіз малдың жол бойына шығып кетіп, машинисті жедел тежегіш басуға мәжбүрлеп, қозғалыс қауіпсіздігіне қатер төндіруі – күн тәртібінде өзекті мәселе болып қала бермек.

Ақаусыз жұмыс жасады

Читайте также