Күрделі жөндеуден соң...

Регионы

25.10.2016, 16:29

Бірінен соң бірі жаңартылған Атырау жол бөлімшесіне қарасты Жантерек – Мұқыр бекеттеріне сапарымыз сәтті болды. Теміржол бекеттерін санитарлық-техникалық талаптарға сай ету үшін нысандарда 2014-2015 жылдары күрделі жөндеу жұмыстары жүргізіліп, қазіргі таңда аталмыш бекеттердің архитектуралық құндылықтары сақталып, шатыры мен қасбеті жаңартылған. Есік-терезелері де толықтай ауыстырылып, едені мен ғимараттағы электр шамдары, бекет ішіндегі жабдықтары кері жаңартылып, қызметкерлердің қол жуатын, киініп-шешінетін орындары қарастырылған. Қызметкерлер отыратын бөлмелерде және күту залында ауа баптағыш желдеткіштер орнатылып, бұдан басқа, жылу жүйелері мен электр сымдары, перрондағы ескірген жарық желілері де толықтай ауыстырылыпты. Вокзалдың іші-сыртына бейнебақылау камералары қондырылып, екі бекеттегі перрондардың ұзындығы 180 метрге ұзартылып, айналасы темір шарбақпен қоршалыпты. Бүгінде Жантерек бекетінде 4 станция кезекшісі, 4 вагон қараушы, 2 сигнал беру, орталықтандыру және блоктаудың (СОБ) электр механиктері қызмет етеді. Мұқыр бекетінде де 5 станция кезекшісі, 4 сигнал беру, орталықтандыру және блоктаудың (СОБ): 1 аға механигі, 2 механик және 1 қатардағы монтер, 2 вагон қараушы, 2 энергетик, 1 билет кассирі бар. Бекеттердің екеуінде де келе жатқан вагонның ақауын алыстан байқайтын КТСМ-02 құрылғысы қондырылған. Нысан –күзетшінің бақылауында. Тағы бір айта кететіні – екі станцияда да жұмыс жасайтындар 20 жылдан астам еңбек өтілі бар қызметкерлер. Сол себепті де болар, өндірістік жарақат алу немесе вагонның құрамнан ажырап қалуы, адам өлімі сынды бақытсыз оқиғалар орын алған емес. Оған қосымша, станциялар шағын болса да техникалық қауіпсіздік және еңбек қорғау мәселесі бірінші жолға қойылған. Теміржолшылар жазғы және қысқы арнайы киімдермен, сондай-ақ, қорғаныс құралдарымен кестеге сай қамтылып отырады. Сонымен бірге, еңбек қорғау шараларына барлық деңгейдегі басшылардың қатысу нормативтері қарастырылып, цех басшыларының кауіпсіз жұмыс жағдайын ұйымдастыруына, қарауындағы еңбеккерлердің денсаулығы мен өмірі үшін жеке жауапкершілігін арттыруға ерекше назар аударылады. Одан бөлек, кәсіби біліктілігін арттыруда оқу кабинетінде ай сайын қызметкерлер үшін техникалық сабақтар жүргізіледі.

Күрделі жөндеуден соң...

Читайте также