Аты аңызға айналған теміржолшы еді...

Социум
18.08.2016, 12:47
 Қазақ темір жолының тарихы тағылымға толы. Күні кеше осы салада жанқиярлықпен  еңбек етіп, шойын жолды бүгінгі буынға аманаттаған алдыңғы буынға қашанда құрмет зор. Семей өңірінің теміржолшылары үшін өмірі мен еңбек жолы аңызға айналған сондай даңқты тұлғалардың бірі Қапсидар Омаров десек қателеспейміз. Артында өшпестей із қалдырған теміржолшының  туғанына биыл 100 жыл. Міне, осынау айтулы датаға орай Семей бөлімшесіндегі  «Түрксіб – Семей» мұражайында тарлан теміржолшыны еске алуға арналған салтанатты шара  болып өтті. Жергілікті ұлт өкілінен шыққан алғашқы саласы басшыларының бірі де бірегейі болған Қапсидар Омаров ол жылдары қазақтың қара домалақтары көп жолай бермейтін сигнализация, белгі беру-байлнаыс саласын таңдаған екен. Таңдап қана қоймай, осы салаға талай қарадомалақтарды тартып, баулып өсірген. Оның тәрбиесін көрген, тәлімін терген теміржолшылардың көпшілігі кейін аталмыш саланың майталмандарына, білікті басшыларына айналды. Бұл жайында Қапсидар Омаровтың еңбек жолына шолу жасаған  мұражай басшысы Мақсұт Көшжанов жан-жақты мағлұмат берді. Ардагердің өзі де заманында даңқты тұлғаның қол астында қызмет етіп,  шарапатын  көріп, қамқорлығын сезінген екен, сондықтан ұлы ұстаз санайтын жан туралы тебірене естелік айтты. Сонау соғыс жылдарында қазақтан шыққан тұңғыш Семей белгі беру және байланыс дистанциясының директоры Қапсидар Омаровтың еңбек жолы ерлікке пара-пар жанқиярлыққа толы болғаны байқалады. Атап айтқанда, тұлғаның  Түрксіб теміржолындағы байланыс саласын автоматтандыруға қосқан үлесі ұшан-теңіз. Соның бір айғағы, 1964 жылы Мәскеуде өткен көрмеде өндірістегі өнертапқыштығы үшін қола медаль иеленген. Жиында сөз алған Семей магистральдық желі бөлімшесінің басшысы Талғат Еспанов ардагердің бүгінгі шәкірттері жайында сөз қозғады.  Теміржолшылар арасында ШЧ-да қызмет атқаратын мамандарды «Теміржол интеллигенциясы» деп атау қалыптасқан. Әрине, ол қызметтің күрделілігіне байланысты аталса керек. Ол заманда бұл қызметке біздің ұлттың өкілдерін «қолдарынан келмейді» деп көп жібере бермейді екен. Бұл қасаң қағиданы алғаш болып бұзған Қапсидар Омаров болды. Сөйтіп, Қазақстан бойынша тұңғыш рет қазақтан шыққан байланыс саласының басшысы атанды. Сонымен қатар,  Қапсидар ағамыз осынау қызметке лайықтап тұтас буынды тәрбиелеп кетті. Мәселен, кейіннен байланыс саласына басшылыққа келген Айткен Белгібайұлы бастаған бір топ жаңа толқын қалыптасты. Ал бүгінгі Семей белгі беру және байланыс дистанциясының жас басшысы Бейбіт Түменғали да, оның әкесі мен ағалары да дара тұлғаның ізін жалғастырып, осы салада еңбек етіп жатқан жандар.  Қорыта айтқанда, Қапсидар Омаров  темір жол саласының СОБ, сигнализация және байланыс саласында ұлттық кадрлардың  тұтас бір мектебін қалыптастырып кеткен дара тұлға болды, – деді Талғат Жұманұлы.     Шарада Қапсидар Омарұлымен 1950 жылдары бірге еңбек еткен, Семей белгі беру және байланыс дистанциясының аға инженері болған, бүгінде жасы тоқсаннан асқан қарт ардагер Дмитрий Литвиненко да сөз алып, естеліктерімен бөлісті. Бүгінде сағынышқа айналған әріптестің жұмыс істеу тәртібі, жастарға жасаған қамқорлығы жайында ой өрбітті. «Өкініштісі,  бергенінен берері көп Қапсидар Омарұлының өмірі тым қысқа болды. Ол 1967 жылы кенеттен дүние салмағанда әлі де көп іс тындыратын еді...», деді ардагер.   Басқосуға сонау Мәскеу қаласында тұратын Қапсидар Омарұлының қызы арнайы шақырылыпты. Әкесі жайында естеліктерімен бөліскен Әлия  Қапсидарқызы  осынау тағылымды іске ұйытқы болған Семей темір жолы басшыларына, мұражай ұжымына алғысын білдірді.

 Қуаныш ҚОЖАЕВ, Семей

Новости
01.08.2025
Глава государства поздравил работников транспорта
Новости
01.08.2025
КТЖ заняло призовое место в конкурсе «HR-бренд 2025»
КТЖ в лицах
01.08.2025
Почётный железнодорожник Абай Джубаев: 35 лет на благо станции Орал
КТЖ в лицах
01.08.2025
«Вагоны — это моё»: история приёмщика Ержана Тлембекова
КТЖ в лицах
01.08.2025
«Мне нравится сам процесс»: осмотрщик Асылжан Ардабаев — о работе
КТЖ в лицах
01.08.2025
Более 826 лет на рельсах: история железнодорожной династии Капишевых
КТЖ в лицах
01.08.2025
Вся жизнь – железная дорога: история проводника Ирины Титовой
КТЖ в лицах
01.08.2025
«Мне просто нравится моя работа»: история Сайёры Чинпулатовой
КТЖ в лицах
01.08.2025
«Железная дорога – дело жизни»: история Анатолия Кобзева, рационализатора и спасателя участка в паводок
Новости
01.08.2025
ҚТЖ и Alstom открыли центр компетенции в Астане
Новости
01.08.2025
Калтаю Самбетову присвоено звание «Қазақстанның Еңбек Ері»
Новости / Архив
01.08.2025
Газета Қазақстан теміржолшысы, №59-60 от 01 августа 2025 года
Новости
31.07.2025
Минтранс оценивает транзитный потенциал Казахстана в 5 трлн тенге
Регионы
31.07.2025
Мастерская по производству вагонных колёсных пар открылась в Атырау
Новости
31.07.2025
Глава государства принял председателя правления АО «НК «ҚТЖ»
Новости
31.07.2025
Скляр: Казахстан закупит 175 новых пассажирских вагонов до конца года
31.07.2025
Осмотрщик вагонов модернизировал специальный молоток в Усть-Каменогорске
Новости
31.07.2025
Около 400 нарушителей сняли с поездов с начала года
Регионы
30.07.2025
Уральские ветераны-железнодорожники получили помощь на 7,6 млн тенге
Регионы
30.07.2025
Карагандинские железнодорожницы побывали в музее Карлага