Қайырымдылық қағидасын ұстануда

Социум

05.10.2016, 17:54

2 мин чтения

«ӘТЖК» АҚ Шымкент филиалының күзетшілері тоғыз айда «Шымкент, Қызылорда ЖТ» филиалдарының аумағынан 60 мың 513 пойызды қабылдап, өткізіпті. Осы жаздан бастап «Батыс Қытай – Батыс Еуропа» бағытында 40 тонналық контейнерлер жүре бастауынан пойыз саны артқан. Әрі көлемі ұзын құрамдарды күзету аталған сала мамандарынан күш жігерді талап етуде. Оның үстіне, Жезқазған – Бейнеу жолының ашылуына байланысты пойыздардың жылдамдығы артып, тасымал енді тасқындамақ. Сегіз айда филиал ұжымы 11 млн 859 мың 779 теңгенің вагон сағатын орындап, межені 328 пайызға орындапты. Күзет сағатын да іс жүзінде 952 мың 629 күзет сағатына толтырып, жоспарды 100 пайыз жүзеге асырған. Оңтүстік өңірдің әскерилендірілген темір жол күзетінің ұжымы әлеуметтік жағдайы төмен жандарға, жоқ-жітімге қайырымдылық жасаудан да қалыс қалған емес. Мәселен, биылғы алты айлықтағы табыстың үлесінен 7 млн 171 мың теңге әлеуметтік көмекке жұмсалған. Яғни, филиал бойынша 164 адамға жәрдем беріліпті. Төле би ауданындағы тірек-қимыл мүшесі зақымданған балалар емделетін «Көксәйек» интернатына 648 мың теңге қайырымдылыққа аударылса, «жетім көрсең, жебей жүр» қағидасын қалт етпей орындаған күзет қызметінің азаматтары Қызылордада тұл жетім қыз бала мен Шымкентте ата-анасыз өсіп жатқан 7 жасар Дастанды екі жылдан бері күзетшілер өз қамқорлықтарына алған. Сөйтіп, Олардың жеке есеп шотына қаржы аударумен қатар, әр тоқсандықта барып, киіндіріп тұрады. Ал, есепшоттағы қаржыны балалар жасы 18-ден асқан соң қажетіне жаратады. Сонымен қатар, осы мекемеде еңбек ететін 9 ауған соғысының ардагеріне, 19 адамның жақындарының өмірден өтуіне байланысты материалдық көмек көрсетілген. Бұдан бөлек, 68 күзетшінің шаңырағына қосылған сәбиге, 10 жігіттің шаңырақ құрғанына, 24 маманның денсаулығының сыр бергеніне, алтауының тісін протездеуге, үш қызметкердің зейнетке шығуына, 7 адамның мерейтойына, 17 әріптестің мүгедек балаларына жәрдем ретінде бөлінген.

Қайырымдылық қағидасын ұстануда

Читайте также

Сейчас читают