Балаларға қуаныш сыйлады

Новости

28.04.2017, 12:52

2 мин чтения

«ЭКСПО – 2017» халықаралық көрмесінің Астанада өтуі елордамыздың мәртебесін асыра түсуде. Астананы көрген де, көрмеген де арманда. Әсіресе, ертегідей әсем қаланы аралап, көру балалардың арманы. Осыған орай, Қостанай жүк тасымалы бөлімшесі жақсы бастама көтеріп, кеше теміржолшылар отбасының 21 баласына Астанаға саяхат ұйымдастырды. Балалардың елордаға сапарын Қостанай жүк тасымалы бөлімшесінің директоры Сағындық Жұмабаев пен бөлімшенің бастауыш кәсіподақ ұйымының төрағасы Бақытжан Нұрпейісов ұйымдастырса, елорданы тамашалауға «Әлеуметтік жобалар қоры» корпоративтік қоры қолдау көрсетті. –Әсем қаламыз Астананы тамашалауға Қостанайдың шалғай станцияларында тұратын, өндірісте жұмыс істейтін көпбалалы және аз қамтылған теміржолшылар отбасыларының 9-15 жас аралығындағы балалары іріктеніп алыныпты. Жол ақысы, тамақтану шығындарын бөлімшенің кәсіподақ ұйымы көтерді. Ал біздің «Әлеуметтік жобалар қоры» корпоративтік қоры «ҚТЖ» ҰК»АҚ филиалы «Шаруашылық басқармасымен» бірлесе отырып, кішкентай қонақтарымызды көлікпен қамтамасыз етіп, олардың кедергісіз жүріп тұруын қамтамасыз етті. Балалар Индустриялдық парк аймағын аралап, темір жолдың оқу орталығын аралап, бірі машинист, бірі дәнекерлеуші болып көрді. Бұдан кейін «Тұлпар-Тальго» зауытында болып, жолаушылар вагондарының қалай жасалатынын көзбен көріп, теміржолшы ағаларының әңгімелерін тыңдады. ЛҚЗ, ЭҚЗ зауыттарында да болды. «ҚТЖ» ҰК»АҚ ғимаратында темір жолдың тарихынан сыр шертетін мұражайды, «Қысқы бақты» тамашалады. Сондай-ақ, ҚР Ұлттық музейінде болып, тарихи жәдігерлермен танысты. Экскурсия жоғары деңгейде өткенін, бүлдіршіндердің бал-бұл жанған жүздерінен байқадық. Ал кешкісін олар пойызбен үйлеріне қайтады, – деп ой бөлісті Әлеуметтік жобалар қоры» корпоративтік қорының өкілі Айжан Сейітбаева.

Балаларға қуаныш сыйлады

Читайте также

Сейчас читают